It(em) de voirs(creven) guedinge es geschiet te dier meyni(n)gen zo verre den/ voirs(creven) goidshuise met rechte ontrocken wordde de ii mudde en(de)/ vi halst(er) rogs erflicx eygens pachts vanden vi mudden voirs(creven)/ welke ii mudde en(de) vi halste(re)n d(er) voirs(creven) joffr(ouwe) heylmi(n)nen bleven/ in deylingen na de doot van hae(re)n vader en(de) moed(er) en(de) d(aer)toe/ de kynde(re) of erfgenamen willems wilen pynnoc haers brued(er)s/ na hoe(re) doot alsomen verhoirt souden meynen e(n)nigh recht/ of actie te hebben dat alsdan tvoirs(creven) goidshuys in de stad van/ dien den voirs(creven) erfpacht opte voirs(creven) i(½) boend(er) lands hebben/ en(de) heffen selen zo verre den godshuise gelieft en(de) nochta(n)s/ niet te myn staen als vanden verloren(en) pachte opte gelufte/ vand(er) wairscap voirscr(even) behoudelic of zij de wairscap volghde(n)/ en(de) and(er)ssins d(aer)af vernueght en(de) voldaen werden dat zij dan/ hae(r) hande van desen doen selen Waert oic dat de kynde(re) des/ voirs(creven) wilen willems den voirs(creven) goidshuise behoeflike vestich(eit)/ daden vanden rechte dat zij nu hebben of na d(er) voirs(creven) joffr(ouwe)/ heilmi(n)nen doot hebben selen of souden moegen en(de) eer/ tvoirs(creven) goidshuys den selven erfpacht verlore so salmen/ dese leste guedingen vanden ii mudden en(de) vi halste(re)n/ te nieute doen sond(er) argelist lynt(re) et m(er)sberge m(ar)tii iii/