van lodewijcken van bomale en(de) [den] deken van foss/ It(em) Alsoe als lodewijck van boemale alhier beclaeght was van h(er)joese deken/ van fosse en(de) van hem inden rechte aengesproken was ten dage vand(er) clachte(n)/ van zeke(re)n gebreke van pechtingen van zeke(re)n goeden die de voirs(creven) lodewijc/ houden(de) was te pachte d(er) voirs(creven) cap(it)len toebehoiren(de) Dwelc de selve/ lodewijck schutte meynende dat de deken niet mechtich en wae(re) aen/ te spreken d(aer)af de voirs(creven) deken hielt t(er) (con)trarien dat hijs mechtich was/ biedende dat te thoenen dairtoe den dach op heden alsoe lodewijc/ dede seggen diende So hebben de scepen(en) van loeven gewijst voe(r)/ een vo(n)nis so verre de vors(creven) deken niet en quame ten opstane/ smeyers en(de) van hen alsoe hij en dede dat dan de voirs(creven) lodewijc/ vand(er) clachten verweert soude zijn als een man van buyten cor(am)/ roel(ants) borch(oven) lynt(re) hortbeke m(ar)tii xvi/