Cond zij allen lieden dat peet(er) carbeel van winxele zoen jans wilen carbeel/ in teg(enwoirdicheit) d(er) scepen(en) van loeven gestaen heeft genomen en(de) bekend dat hij/ genomen heeft van h(ere)n janne van heestert confesseur en(de) voirgang(er)/ sgoidshuys vanden elf dusent meeghden te loeven opte halfstrate/ thof des selfs goidshuys gelegen te winxele onder deycke met/ den huisen hoven bogaerden wynnen(de) landen beemden en(de) ande(re)n/ zijnen toebehoirten gelijc willem van hoelaer die nu gehouden/ heeft Te houden te hebben en(de) te wynnen van halfmerte dat/ was int jair xiiii[c] liiii lestleden eenen t(er)mijn van neghen/ jaren langh deen na dand(er) zond(er) middel volgen(de) Elcx jaers dae(re)n/ bynnen om de helicht van allen den vruchten jairlix opte voirs(creven)/ goede wassende uutgenomen vanden hove geheten overhem hof/ houdende omtrent ond(er)half dachmael daer inne dat de selve wyn/ egheen recht hebben en sal Tot welken hove tgoidshuys tsaet leve(re)n/ sal alsmen dien besaeyt en(de) de wynne sallen wynnen en(de) de vruchte(n)/ d(aer)af comende vue(re)n inde schue(re) des voirs(creven) goidshuys en(de) de wynne/ sal den selven hof mesten gelijc den goidshuise of zijnen voirgange(r)/ dat gelieven sal Item es vorwerde dat de voirs(creven) wyn alle de(n) voirs(creven)/ lande zijne getidege voe(re)n geven sal gelijc zijnen reengenoten bove(n)/ en(de) beneden [en(de) die laten tsinen afscheiden gelijc hij die vant tsijne(n) aencomene] en(de) toeghste als de vruchten tijtveerdich zijn des godsh(uys)/ helicht in huer schue(re) vue(re)n op zijnen cost en(de) wa(n)neer men sgodsh(uys) helicht dersschen sal zo sal de wynne den dersschers de coste geven/ en(de) d(aer) voe(r) sal hij de crinsen hebben en(de) tgoidshuys sal de dachhue(re)n/ betalen sal oic tgoidshuys op dat hem gelieft moegen de dersschers/ den cost geven en(de) de crinsen behouden en(de) de wynne sal jairlix/ sgoidshuys helicht van allen den vruchten en(de) metten vruchten vande(n)/ ov(er)hemhof int voirs(creven) goidshuys leve(re)n oft daert den selven goidsh(uise)/ bynnen loeven gelieven sal It(em) tgoidshuys en(de) de wynne selen te/ samen eenen lese(r) hue(re)n om doeft te doen lesen alst tijtveerdich/ es den welken de wynnen den montcost geven sal It(em) es vorwerde/ dat de wynne de huysinge houden sal in goeden state vander und(er)st(er)/ rikelen ned(er)wart van alls uutgenomen van platen en(de) metselrien/ En(de) wa(n)neer men aen de selve huisinge decken sal dan sal de selve/ wynne den wercklieden den montcost geven tott(er) so(m)men toe van/ viventseventich mandelen walme(re)n en(de) niet hoeg(er) alle jae(re) zo/

wanneer de wyn dat versuect en(de) seeght behoeflic te wesen en(de) dat/

tstroe de wyn halen sal en(de) tgoidshuys sal de dachue(re)n betalen/ dairaf de wynne jairlix leve(re)n sal op zijnen cost de vijftich mandele(n)/ die de selve hij uuten stroe [vand(en)] d(er) voirs(creven) goeden [comende] jairlix schudden sal en(de)/ niet meer Ende de wynne sal den wynne leem diemen daer/ behoeven sal en(de) verplecken tot zijnen laste moeten halen Ende oft/ men aen de voirs(creven) huisinge boven tghene des voirs(creven) steet jairlix drie/ of vier dachue(re)n meer behoefde van deckene of pleckene d(aer)af sal/ de wynne den wercklieden oic den montcost geven en(de) zo wa(n)neer
//
dat wege te maken zijn of beken te ruymen dat sal de wynne doen op zijne(n)/ cost It(em) inden drie lesten jaren so en sal de wynne egheen lande moege(n)/ hoervruchten noch ontaerden It(em) zelen tgoidshuys en(de) de wy(n)ne jairlix/ tsamen coopen vijftich mandelen stroes om mest mede te maken zo/ wa(n)neer de wynne dat versuect en(de) seeght behoeflic te wesen ende/ dat stro [sal] de wyn halen sal en(de) te meste maken It(em) sal de voirs(creven) wy(n)ne/ alle tstroe jairlix vanden voirs(creven) goeden comende afgetogen de voirs(creven)/ vijftich mandelen walmen bynnen den voirs(creven) hove met zijnen/ beesten etten en(de) slijten en(de) d(aer)af mestmaken en(de) dat op te voirs(creven) lande/ vue(re)n tot hue(re)n meesten p(ro)fijte Item de voirs(creven) wynne sal jairlix/ mergelen op te voirs(creven) lande ten meesten p(ro)fijte xii voed(er) mergels die/ hij halen sal en(de) betalen tzijnre cost en(de) den goidshuise geven/ altoes zijnen t(er)mijn due(re)nde ts(en)t andriesmisse sess moelevaten/ rogs van eenen dachmale dertschoefs gelegen op daurot? en(de)/ vier moelevaten rogs van eenen dachmale helicht wy(n)ni(n)gen aen/ hoelarts delle gelegen En(de) es vorwerde dat de voirs(creven) wynne/ den voirs(creven) t(er)mijn langh egheene ande(re) lande nemen en sal/ te wynnen noch aen hem slaen in gheenre manie(re)n Item alse/ vander eeussel hueringhen sal de wynne jairlix tsinte m(er)tens/ misse den voirs(creven) goidshuise gheven sess rinsche gulden(en) It(em) sal de/ voirs(creven) wynne zijnen t(er)mijn due(re)nde hebben den elsenbosch ende/ de sleeni(n)ge vanden opgaende houte en(de) ttruncken van willegen/ en(de) and(er) om d(aer)mede te loekene en(de) and(er)s tsijnen v(er)doene behoudelic/ dat hij den bosch niet houden en sal dan alst thout sess jaer/ oud es en(de) alsmen dien houwt sal tgoidshuys d(aer)af hebben/ hond(er)t hopstaken en(de) alle de wijng(ar)tstaken zo verre die daer vallen/ loflic en(de) cusbaer na datmen wijng(ar)tstaken dairomtrent maict/ en(de) tvoirs(creven) bosch en(de) staken zelen tgoidshuys en(de) de wyn te geliken cost/ doen houwen en(de) op maken en(de) de wyn sal den goidshuise de staken/ thuys leve(re)n en(de) zo wa(n)neer tgoidshuys behoeft vitselroeden of/ dacroeden iii of iiii busselen luecks tot rep(ar)acien van e(n)nigen van/ hoe(re)n huysen of goeden so sal tgoidshuys die op te voirs(creven) goede/ moegen houwen It(em) de wynne sal jairlix den voirs(creven) t(er)mijn due(re)nde/ op de voirs(creven) goede setten vijfthien levende poten en(de) den voirs(creven)/ goidshuise halen alle de staken diet behoeven sal aen de wijng(ar)de/ te winxele en(de) op den roesselberch gelegen den selven goidshuise/ toebehoiren(de) [halen] eene halve mile omgaens loeven(en) en(de) den wijn/ metten balge(re)n vue(re)n en(de) bringen int voirs(creven) goidshuys en(de) de/ cuypen ald(aer) halen en(de) oic de oude wijng(ar)tstaken metten reven/ en(de) cortelingen alst den goidshuise gelieven sal halen en(de)/ int godsh(uys) bringen oft ande(r) vrachten daer voe(r) doen It(em) sal/ de voirs(creven) wynne alst tgoidsh(uys) hue(r) wijng(ar)de wilt doen mesten/ dmest d(aer)op vue(re)n ter plaetsen dair tgoidsh(uys) dat coepen sal/ It(em) selen tgoidshuys en(de) de wyn ten yersten sess jaren van malcande(re)n/ moegen scheiden by alsoe dat de ghene die scheiden wilt dat den/ ande(re)n sal moeten een jaer te voeren kundigen en(de) te weten doen
//
en(de) de wynne sal hebben en(de) themw(er)t alleene behouden alsoe/ vele lants als dat hij d(aer)op saeyen mach drie moelevate(n)/ lysaets jairlix en(de) [hij sal] saeyen moegen inde stoppelen raepcruyt/ voe(r) zijn beesten en(de) of dat wel hoefde so sal tgoidsh(uys) moege(n)/ mede deylen vanden rapen en(de) die soude hij den goidshuise/ thuys leve(re)n Ende alle dese vorwerden etc(etera) Hier voe(r) es/ borghe svoirs(creven) wynnen als p(ri)ncipael schulde(r) ongesund(er)t en(de) elc/

voe(r) all arnd moens zijn sweer et p(ri)m(us) borch(oven) m(er)sberge/ sgoensd(aeghs) na belokenen paeschen a(nn)[o] lvi/