It(em) want and(er)wile stoot geresen es geweest tuschen goessen(e) herrijs en(de)/ goessene tulroets van zeke(re)n goeden die goessen herrijs vercocht/ hadde den voirs(creven) goessene en(de) die goessen herrijs de jonge zoen des/ voirs(creven) goessens herrijs woude vernaerde(re)n dairaf jan van udekem/ huyge zijn soen en(de) henrick mercks voirspreken en(de) henrick vand(en)/ vekene van s(in)t aeghten rode die met verbonde vanden voirscr(even)/ p(ar)tien d(aer)toe segge(re)n gecoren wae(re)n om hen te verliken zeke(re) uutsprake/ gedaen hebben te weten alsoe de voirs(creven) goessen herrijs meynd dat/ hij hebben zoude voe(r) tprincipael lxxii pet(er)s die hij kynde gehave(n)/ te hebben en(de) voe(r) de costen vi pet(er)s i ort myn [die hem gebraken] En(de) alsoe de voirs(creven)/ goessen tulroets meynd dat hij geven zoude voe(r) tprincipael xlii/ pet(er)s en(de) xxiiii pet(er)s en(de) voe(r) de costen v(½) pet(er)s So heeft geloeft/ de voirs(creven) goessen tulboets dat hij de voirs(creven) vier segge(re)n hier ind(er)/ stad vergade(re)n sal en(de) by een doen comen en maendage naestc(omende)/ voe(r) d(er) noonen op dat hijse alsdan gecrigen can en(de) oft hij die/ te dien dage niet v(er)gade(re)n en conste dat hijse dan by een/ bringen sal smaendaighs d(aer)na voe(r) de noone om vanden/ selven twivele en(de) na stoote beslicht te worden en(de) hen de voirs(creven)/ uutsprake wed(er) [te] doen verhalen op hoe(r) (con)sciencie en(de) bescheidenheit/ en(de) d(aer)mede zelen zij op en(de) af gaen en(de) malcande(re)n d(aer)na voldoe(n)/ met vorwerden oft de voirs(creven) goessen tulboets de voirs(creven) segge(re)n/ de voirs(creven) uutsprake niet en dade verclae(re)n ten voirg(enoemde) dagen/ dat hij dan den voirs(creven) goessene herrijs de voirs(creven) vi pet(er)s myn/ i ort ter stont opleggen sal cor(am) roelands hortbeke m(er)sb(er)ge/ oct(obris) xiii

Navolgen(de) den voirs(creven) vorw(er)den en(de) geluften So zijn op heden de voirs(creven) iiii segge(re)n comen voe(r) ja(n)ne de pryke(re)/burg(er)meest(er) hoe(r) cleerness(e) vand(er) voirs(creven) zaken doende op hae(re)(con)sciencie en(de) bescheidenh(eit) ten p(rese)ncien van/beiden p(ar)tien en(de) tot hue(re)r beid(er) versuecke in des(er) vuege(n) dat zij den voirs(creven) goessen(en) herrijs aen seyden voe(r) zijn/p(ri)ncipale pe(n)ni(n)gen xlii pet(er)s en(de) xxiiii pet(er)s en(de) voe(r) den cost v pet(er)s en(de) iii quartie(n) van i pet(er) en(de) niet meer oct(obris) xx