SAL7749, Akte: R°77.2 (598 van 2637)
Akte R°77.2
Act
Datum: 1455-10-18
Taal: Nederlands
Transcriptie
2012-01-05 door Wilfried GeyskensIt(em) also als ten vervolge jans maufroit van march die na den/rechte van des(e) stad beleidt es tot den goeden have en(de) erve jans/wilen paree van seneffe van wegen d(er) stad van loeven gescr(even)/es geweest aenden meye(r) van seneffe dat hij [zo(m)mige van] den voirs(creven) goeden/die ten versuecke jans paree zoon des voirs(creven) wilen jans/gepant wae(re)n restitueerde en(de) dande(re) goede die ten v(er)volge/jaq(ue)marts durant jans du chaine en(de) jans du vis appellet/waufelart wae(re)n beslagen en(de) in rastacie gedaen costeloes/restitueerde en(de) ontsloeghe latende den voirs(creven) ja(n)ne maulfroit/en(de) den zijnen d(aer)af in poss(ess)ien en(de) gebruycke alsoe dat behoirt/By alsoe oft de voirs(creven) p(ar)tien oft e(n)nich van hen e(n)nichs rechts hen/d(aer)toe hadden willen vermeten oft and(er)s yet allege(re)n dat/zij des op heden alhier te rechte quamen gelijc de voirscr(even)/brieve dat voird(er) inhouden moegen Daer des voirs(creven) jans/p(ar)tien noch nyeman and(er)s tegen hem comen en es de/selve jan hem in trecht p(rese)nte(re)nde en(de) trecht verzueckende/So hebben de scepen(en) van loeven t(er) maniss(e) smeyers gewijst/voe(r) een vo(n)nis zo verre des voirs(creven) jans wed(er)p(ar)tien niet en /q(ua)men ten opstane smeyers en(de) van hen gelijc zij en deden/datmen dan den selven ja(n)ne houden soude in zijnen beleide/also verre alst noch voe(r) hen comen es eisd(em)
Nagekeken door: Jos Jonckheer , Inge Moris
Moderator: Inge Moris
Schepenen
Laatste update:: 2012-01-05 door Inge Moris