Desen brief hebben de voirs(creven) vad(er) en(de) moeder bekend te des(er) meyni(n)gen dat/de voirs(creven) g(er)truyd hae(r) daer mede sal moegen behelpen oft doen behelpen/Dat zij vanden goeden die bliven selen na hoe(re)r beider doot voer uut/hebbe een half dachmail hoefs vand(en) hove hen toebehoe(re)nde gelegen te/willenbringen tusschen der kercken land en(de) de goede claes de kersmake(re)/voe(r) de v ryd(er)s die hen de voirs(creven) g(er)truyd nu geleent heeft en(de) dat zij/desgelijcx voe(r) uut hebbe een bedde met zijnre toebehoirten en(de) ande(re) have/gelijc de selve g(er)truyd dat die nu staende heeft bynne(n) den huyse haers/vad(er)s en(de) moed(er)s op een came(re) d(aer)af zij oic peyslic volgen den sloetel te/huerw(er)ts heeft en(de) dat hue(r) oic peyslic volgen alsulke xv ryders als/hae(r) come(n) zijn metten voirs(creven) v ryders voe(r) hae(re)n maeghdom en(de) de/lijftocht die zij mette(n) selve(n) xv ryders gecocht mach hebben of cope(n) sal/en(de) tp(ro)fijt d(er) selver lijftocht susterlic en(de) brued(er)lic en(de) desen niet te myn sust(er)lic en(de) brued(er)lic/deylen in alle dand(er) goede acht(er) vad(er) en(de) moeder bliven(de) eisd(em)