It(em) Nadat op heden voe(r) den rade vand(er) stad comen zijn de weduwe/ willems wilen mertens welc willem geleid was tot den goeden/ pet(er)s wilen van rillaer en(de) m(ar)grieten zijns wijfs welc willem/

geleidt was tot den goeden peters wilen van rillaer en(de) m(ar)griete(n)/

zijns wijfs als geleidt en(de) oic als erfgename der voirs(creven) wilen/ margrieten hoe(re)r zuster in deen zijde en(de) twee scepen(en) van haeght/ inden name vanden gemeynen scepen(en) en(de) bescreven alhier ten/ vervolge d(er) voirs(creven) weduwen in dande(r) en(de) jan henrick en(de) willem/ van rillaer gebruede(re)n in dande(r) en(de) jacob feliers hoe(r) zwager/ inde derde Alse vanden brieven vanden voirs(creven) beleide de welke/ de voirs(creven) weduwe yesch te hebben uuten handen vanden voirs(creven)/ scepen(en) die die ond(er) hadden meynende dat hae(r) die sculdich/ wae(re)n te volgen want zij geleidt en(de) oic erfgenaem wae(re) den/ voirs(creven) gebruede(re)n en(de) zwag(er) houden(de) t(er) (con)trarien dat die brieve/ bliven zouden ond(er) de voirs(creven) scepen(en) Aldaer de selve brieve by/ gemeynen ov(er)drage en(de) uuten sterfhuyse der voirs(creven) gehuysschen/

daer die wae(re)n bevonden en(de) consente van hen en(de) der vors(creven)/ weduwen en(de) ande(re)n d(aer)aen clevende gestelt en(de) geleeght wae(re)n/ en(de) genomen uuten sterfhuise der voirs(creven) gehuysschen daer die/ wae(re)n bevonden gelijc de scepen(en) oic cleerden seggende [de selve scepen(en)] dat/ zij bereet wae(re)n die ov(er) te geven als p(ar)tien eens wae(re)n ende dat/(con)senteerden So es biden rade vand(er) stad dbescheid tallen/ zijden aengehoirt get(er)mineert voe(r) redene en(de) recht dat/ de voirs(creven) brieve bliven zelen ond(er) de voirs(creven) scepen(en) tot dats d(aer)af/ p(ar)tien eens zijn roelofs prijke(re) burgim(a)g(ist)ris et aliis in pleno/(con)silio ja(nuarii) ix
//