peter van nederhem/It(em) vand(er) questien die geweest es voe(r) meye(re) en(de) scepen(en) van loeven tuschen/pete(re)n van nederhem mandemake(r) in deen zijde en(de) henricken de/bruyne in dande(r) alse van dat de voirs(creven) henrick meynde voir uut/te moegen kyesen (½) boend(er) rapen in een boend(er) rapen dat hij/en(de) de voirs(creven) peter gehuert hadden of gecocht tegen ja(n)ne zedele(re)n/den jongen gelegen acht(er) desselfs jans huyse inde hoelstrate/en(de) dat pet(er) dan dand(er) (½) boend(er) behouden zoude dairaf de selve/pet(er) meynde dat hij tvoirs(creven) geheel boend(er) te gelike deylen zoude(n) etc(etera)/hebben de scepen(en) van loeven gewesen voe(r) een vo(n)nis dat na/dats voir hen comen es de voirs(creven) p(ar)tien tvoirs(creven) boend(er) rapen/gelijc deylen zelen cor(am) eisd(em)