Item Nadat jan de bonte beleidt na des(er) stad rechte tot den goeden have ende/ erve gielijs vander hasselt geheten de cock alhier hadde doen bescriven/ janne neven derde met brieven d(er) stad van loeven gescr(even) aen den meye(r)/ van rode by halsenberge [daer inne de selve meye(r) versocht waert den voirs(creven) ja(n)ne nevenderde te bedwingen dat hij den voirs(creven) bonten betalinge dade] van viii sacken corens bruesselscher maten/ die de selve jan nevenderde van zeke(re)n goeden die hij vanden voirs(creven)/ gielise in pechtingen hielt sculdich was en(de) janne bonten vors(creven)/ behoirden te volgen alsoe hij meynde [of dat de selve wyn des alhier te recht quame etc(etera)] So zijn op heden als den dach/ van rechte vanden voirs(creven) scriven(en) diende alhier int recht comen/ de voirs(creven) geleidde en(de) jan neven derde Aldaer de selve geleidde aen/ gesproken heeft ja(n)ne neven derde voirscr(even) seggende dat hij van zeke(re)r/ pechtingen d(er) selv(er) goede gelegen ts(in)te pet(er)sleeuwe viii sacke corens/ brueselsch(er) maten en(de) daer te leve(re)n sculdich en(de) tacht(er) zijn soude/ Bege(re)nde d(aer)af de voirs(creven) [geleide] betalinge en(de) in zijnen beleide gehouden te/ worden den voirs(creven) ja(n)ne nevenderde d(aer)op verantwerdende dat/ hij den voirs(creven) gielise zijnen voermeest(er) d(aer)af gesproken hadde en(de) seide/ dat hij meynde dat tvoirs(creven) beleid niet voird(er) en sprake dan op/ zeke(re) goede gelegen te merchten(en) en(de) oic hadde de voirs(creven) neve(n)derde/ de goede gepacht aleer de voirs(creven) bonte beleidt was hopende dat/ hij niet den selven bonte maer den voirs(creven) gielise tvoirs(creven) coren betalen en(de)/ leve(re)n zoude den voirs(creven) bonte d(aer)op allege(re)nde dat hij dat tzijnre/ baten nam en(de) dat zijn beleid sloege op alle de goede des voirs(creven)/ gielijs en(de) alsoe en conste hem de voirs(creven) wynne niet gevlien/ vand(en) voirs(creven) betalingen te doen [als] ind(er) voirs(creven) manie(re)n hem v(er)socht geweest/ wae(re) So es desen en(de) d(er)regelike ande(re)n reden(en) aengehoirt tvo(n)niss(e)/ d(er) scepen(en) van loeven gegaen dat den voirs(creven) janne de bonte en(de) zijnen/ beleide tvoirs(creven) coren volgen sal cor(am) om(n)ib(us) scab(inis) ex(cep)[t(is)] m(ichaele) abs(oloens) et/ borch(oven) sabb(at)o dec(embris) xx
//