It(em) want de voirs(creven) schout rue(re)nde compt van zeke(re)n coope van erfpachte/ wijne die de voirs(creven) h(er) reyne(r) en(de) zeke(re) zijn medeg(er)ven hebben aen/ en(de) op zeke(re) goede svoirs(creven) andries gelegen inde p(ro)chie van arschot/ boven schoenhoven opt boervelt dien de selve andries tegen/ den voirsch(reven) reyne(r) en(de) zijn medeg(er)ven gecocht heeft en(de) afquiten sal/ met d(er) voirs(creven) so(m)men So es vorwerde dat de voirs(creven) andries den/ voirs(creven) h(ere)n reyne(re)n en(de) zijn medeg(er)ven costeloes houden en(de) ontheffe(n)/ sal vanden pontpe(n)ni(n)gen en(de) allen ande(re)n die vanden voirs(creven) coope/ en(de) quitingen behoe(re)n sal gegeven te worden den gronthe(re)n vand(en)/ voirs(creven) goeden En(de) zo wa(n)neer de leste paye vanden voirs(creven) gelde/ verschenen es dan heeft geloeft de voirs(creven) h(er) reyne(r) renu(n)c(ierende) etc(etera)/ den voirs(creven) andriese van des voirs(creven) es t(er) stont tzijnre maniss(e)/ hofguedinge en(de) behoirlike vestich(eit) te doen voe(r) hof en(de) he(re)/ tsamen met des voirs(creven) h(er) reyners medeg(er)ven die hij geloeft/ heeft alsdan dairinne te vervaen et t(antu)m p(ro)ut lynt(re) m(er)sb(er)ge fe(bruarii) vii
//