It(em) henrick de p(ri)est(er)mont beleidt tot den goeden arnds le charlier t(er) eenre/ zijden jan le thiesson en(de) collard claiskin t(er) ande(re) sijn van hoiren geschille/ alhier voe(r) meye(r) en(de) scepen(en) uutstaende d(air)af dach van thoenen dienen/ zoude op en dijsdage naestcomen(de) te mistide verleken en(de) eensworden/ om alle cost te schuwen ind(er) manie(re)n hier na volgende Te weten yerst/ dat de voirs(creven) arnd zo verre hem gelieft dese (com)posicie aen te gaen en(de)/ te houden dat hij den voirs(creven) ja(n)ne en(de) collarde ter stont met panden/ oft gelde vernuegen sal van lxvii stuv(er)s oft hen d(air)af vestich(eit) stellen/ te betalen te beloken(en) sinxenen naestcomen(de) op alsoe dat zij hem t(er)stont/ zelen doen volgen zijn p(ar)t en(de) costeloes doen ontslaen Ende dat hij/ hen voirt vestich(eit) setten sal te loeven in henegouwe oft te nyvelle/ dair hem dat best sal gerieven op jans en(de) collards cost vandes/ men te goed(er) rekeni(n)gen sal bevynden dat hij hen sculdich es te betale(n)/ bynnen eenen jare naestcomen(de) te drien paymenten Ende dit/ gedaen zelen de voirs(creven) jan en(de) collard haer hande lichten vander/ kerren en(de) h(ar)nassche d(air)af de sake alhier in rechte steet (et)c(etera) Ende/ oft de voirs(creven) arnd hiertoe hem niet geven en wille oft de voirs(creven)/ vestich(eit) niet en can gedoen zo sal de voirs(creven) henrick uut machte vande(n)/ voirs(creven) beleide niet voird(er) in desen wercken noch met den thoeniss(en)/ voirtvae(re)n maer cesse(re)n en(de) aflaten zond(er) argelist borch(oven) hortbeke fe(bruarii) xi