Van gielisen gouthuys/ It(em) Also alse de meye(r) van loeven voe(r) scepen(en) ald(aer) ten aenbringene she(re)n van/ lynden aengesproken heeft gielise gouthuys alse vad(er) en(de) in zijnre plicht/ hebbende he(n)nekene zijnen zone den welken hij alse poirte(r) vervolght/ hadde uutgescreven te worden aengesproken heeft opdoende de/ selve meye(r) dat de voirs(creven) he(n)neken comen wae(re) te lynden met eene(n)/ zweerde dairaf hij aldaer alse van ongeorloefder wapenen gecale(n)geert/ was biedende ofts noot wae(re) dat te thoenen hopende dat d(aer) aen/ verboirt wae(re) de selve wapene en(de) d(aer) toe den koe(re) van iii gulden rijd(er)s etc(etera)/ Den voirs(creven) gielise d(aer)op verantwerden(de) zeide dat de voirs(creven) he(n)neken/ gelijc meer ande(re) int openbaer ald(aer) tot lynden verkeerde en(de) by hem/ hadde een cleyn cruysmes in manie(re)n van eenen cleynen zweerdekene/ dwelke de voirs(creven) gielijs meynde niet verboden en wae(re) te draghen/ hopende dat d(aer) aen niet verboden en wae(re) verboirt en wae(re) na/ gelegenth(eit) vanden selven messe dwelke biden he(re)n scepen(en) van/ludick loeven(en) gevisenteert zijnde Es tvo(n)niss(e) d(er) scepen(en) van/ loeven(en) op heden gegaen dat alsulken aensprake alse de voirs(creven)/ meye(r) gedaen hadde dat die den voirs(creven) gielise egheen ontstade/ doen en sal Act(um) p(re)siden(tibus) in scabi(n)atu roelands abs(oloens) borch(oven) lynt(re)/ hortbeke f(eria) iii fe(bruarii) xviii/