It(em) gheerd van m(ar)chines geheten van herwijn heeft mechtich gemaict/ tsijnen wed(er)roepen(e) gielisen vand(er) horst barbier alle de chijse rente(n)/ pachten lijftochten en(de) ande(re) sculden diemen den selven gheerde/ schuldich es of namaels sculdich wesen sal bynnen loeven oft/ daerbuyten te wat plaetsen of aen wat p(er)sone dat zij te mane(n)/ teysschen op te boe(re)n en(de) tontfangen d(er) quitancie d(aer)af te gheven/ d(aer) voe(r) te dagen en(de) te panden en(de) voirt ofs noot zij met rechte/ te vervolgen en(de) alle tghene d(aer) inne te doen en(de) te vorde(re)n/ des de voirs(creven) gheerd selve doen soude of mochte waert dat hij/ voe(r) oghen wae(r) Geloven(de) de selve gheerd vast gestentich/ en(de) onv(er)brekelic te houden alle tghene dat biden voirs(creven) gielisen/ d(aer) inne gedaen en(de) gevord(er)t sal worden in e(n)nig(er) manie(re)n/ h(ier) ov(er) wae(re)n j(aspar) abs(oloens) (et) lynt(re) eod(em)/