SAL7749, Akte: V°37.1 (274 van 2637)
Akte V°37.1
Act
Datum: 1455-08-14
Taal: Nederlands
Transcriptie
2012-01-05 door Wilfried GeyskensVan joffr(ouwe) lijsbetten vand(er) heyden en(de) katlijnen vande(n) nuwenpa(n)huise/It(em) also als op heden in recht comen zijn katlijne weduwe lambrechts wilen/vanden nuwenpanhuise in deen zijde en(de) joffr(ou) lijsbeth vand(er) heyden begine/inden grooten beghijnhove in dande(r) Aldair de voirs(creven) katlijne begonste/op te doen alrehande gebreke die zij hadde vand(er) hueringen van seke(re)n/goeden gelegen te herssele die de voirs(creven) wilen lambrecht tegen d(er)/voirs(creven) joffr(ouwe) lijsbetten gehuert hadde eenen t(er)mijn van iii jae(re)n tsjaers/om xxvi hollants guld(en) dwelc de voirs(creven) joffr(ou) h lijsbeth schutte/meynende dat zij d(aer)mede niet voirtvaren en soude zij en(de) de/voirs(creven) katlijne en souden zijn tierst beslicht biden raide vand(er) stad/van seke(re)n costen van rechte die de selve joffr(ou) lijsbeth gedaen hadde/int vervolgen van alsulken xxx holl(ants) guld(en) als hae(r) de voirs(creven)/wilen lambrecht uut saken vanden voirs(creven) goeden geloeft hadde/voe(r) scepen(en) van loeven opten yersten dach van merte a(nn)[o] li van/welken xxx gulden(en) zij betaelt was en(de) de voirs(creven) costen wae(re)n/geres(tit)ueert tot d(er) t(er)mi(n)acien vand(er) stad gelijc op te voirs(creven) gelufte/geregistreert steet etc(etera) hebben de scepen(en) van loeven t(er) maniss(e)/smeyers gewijst voe(r) een vo(n)nis dat de voirs(creven) joffr(ou) lijsbeth de/voirs(creven) costen yerst pueren sal bid(er) stad en(de) dae(re)n teynden recht/cor(am) m(ichaele) abs(oloens) j(aspar) abs(oloens) borch(oven) lynt(re) aug(usti) xiiii
Nagekeken door: Inge Moris
Moderator: Inge Moris
Schepenen
- Michiel Absoloens
- Jaspar Absoloens
- Raes vanden Borchoven
- Henrick van Lyntre
Laatste update:: 2012-01-05 door Inge Moris