It(em) hoewael de voirs(creven) joffr(ouwe) lijsbeth inde voirs(creven) goede en(de) pachte si(m)pelic/ gegoedt es zo es dat geschiet in betalingen van lxxv holl(antsche) guld(en)/ die de voirs(creven) lodewijck [inden sekeren (com)posicien] den voirs(creven) jacoppen sculdich was en(de) hij noch/ betalen mach metten paymenten en(de) ten t(er)mijnen hier na genoe(m)t/ te weten xxv hollants gulden(en) van kersmesse naestcomen(de) ov(er) een/ jaer en(de) xxv holl(antsche) gul(den) te kersmisse d(aer)na en(de) de leste xxv te/ kersmesse d(aer)nae Ende es d(aer)om vorwerde dat hij de voirscr(even)/ goede en(de) pacht sal moegen lossen metten voirs(creven) pe(n)ni(n)gen te/ weten met elker paeyen zo verre hij die ten voirs(creven) daghe va(n)/ betalingen betaelt deen derdel uutgedaen den pacht die nu tsent/

andriesmesse naestcomen(de) valle te weten tcoren teene(n)male en(de) elck/de helicht vanden lande dwelc in tgeheele getaxeert es voe(r) ii/ sacke erflic oic teene(n)male maer al geschiede de quiti(n)ghe tot/ e(n)nigen vanden voirs(creven) t(er)mijnen So sal jacoppen d(aer)af volgen den/ pacht en(de) p(ro)fijten van voe(r) gevallen uutgedaen den pacht die nu ts(en)t/ andriesmesse naestcomen(de) vallen sal d(aer)af zij [de voirs(creven) lod(ewijck) en(de) joffr(ouwe) lijsbeth] hen gekeerd hebben in/ andriesen de nausnyde(re) en(de) pete(re)n pols om by hen gecleerd te worde(n)/ wien dien pacht sculdich was [es] te volgen En(de) of hij e(n)nigen t(er)mijn/ liet ov(er)gaen so sal de voirs(creven) jacob deen derdel daer voe(r) erflick/ behouden It(em) es vorwerde dat de voirs(creven) lodewijck en(de) zijn sust(er)/ hofguedinge doen zelen den voirs(creven) jacoppen vanden voirs(creven) pachte/ tsijnre maniss(en) en(de) zond(er) zijnen cost en(de) oic afdoen den pontpe(n)ni(n)g/ mids des(er) verschenen vanden voirs(creven) lande [en(de) pachte] En(de) of hem dla(n)t blijft/ so es vorwerde dat hem de voirs(creven) lodewijck en(de) zijn sust(er) voe(r) elken/ pe(n)ningh d(aer) uutgaende betalen zelen t(er)stont de quitinge uut sijnde/ xx gelike pe(n)ni(n)gen want voer eygen gerekend was doen de/ composicien vand(er) voirs(creven) schout gemaict waert eisd(em)/

Lod(ewijc) uute(n) lye mi(n)gen heeft geco(n)senteert desen br(ief) voirs(creven) ov(er)ges(et) te wordden(e) ja(n)ne bla(n)ckart sone wijlen jacops niet te ge(n)staen(de) des(er) co(n)dicie(n) junii xxviii a(nn)[o] lxxxv