Desen brief sal hier bliven liggende te dier meyni(n)gen/ datmen d(aer)mede de rente jairlix sal laten heffen d(er)/ moed(er) alsoe lange als zij leeft maer nader moed(er)/ doot salmen den ande(re)n iii p(er)sonen of den ii van hen/ de selve rente laten heffen inden name en(de) orbe(re)/ des voirs(creven) vranx die nu buyten lands es en(de) dien/ de rente nad(er) moed(er) doot v toebehoe(re)n soude en(de) of die/ rente afgequeten wordt so salmen tgelt wed(er) aen/ leggen tsijnen behoef aen erfrenten behoudelic d(er)/ moed(er) en(de) den ande(re)n iii hoe(re)n heffen d(aer)inne als voe(r)/ maer of hij aflivich wordde sonder geboerte so sal de/ rente volgen en(de) alleen toebehoe(re)n den voirs(creven) wille(m)me/ zijnen brued(er) Waert oic dat vranck bynne(n) lands/ quame de moed(er) aflivich zijnde so salmen hem/ de brieve laten volgen om zijnen wille d(aer)mede/ te doen eisd(em)/