It(em) jan jannen zoen wilen jans heeft geloeft en(de) toegeseeght henricke(n)/ gheerde reyne(re)n katlinen en(de) lijsbetten zijnen bruede(re)n [en(de)] zuste(re)n a(c)/ alteri dat hij hen en(de) elken van hen sal laten deylen susterlic en(de)/ brued(er)lic en(de) hoedegelijc in alle de goede die bleven zijn na/ de doot van vad(er) en(de) moed(er) d(er) voirs(creven) kynde(re)n also wale inde goede/ hier na bescreve(n) als in dande(re) te weten in huys en(de) hof gelegen/ toerbeke aende willige strate en(de) neven de goede henr(ix) jannen/ van roesbeke en(de) in iii dachmalen lants gelegen aende lange hage/ tusschen de goede jannes h(er)mans en(de) tcloest(er) van vliederbeke tot/ welken goeden staphans voirs(creven) de voirs(creven) jan de soen comen es en(de)/ d(aer)af [hij] de vestich(eit) ontfaen heeft Behoudelic in des(er) dat hij voirt uut/ hebben sal ind(er) deylingen een stuck wijng(ar)ts houden(de) lxxxviii roed(en)/ of d(aer) omtr(ent) gelegen acht(er) ov(er)laer tusschen de goede clissen keysers/ en(de) henr(ix) hoedekens en(de) half de wijnvate en(de) half de wijncupen/ achter den voirs(creven) wilen janne gebleven en(de) des niet te myn in dand(er)/ helicht vand(en) cupen en(de) vaten met den ande(re)n deylen Dwelc de/ voirs(creven) henr(ic) en(de) gheerd hem ald[(us)] geconsenteert hebben te geschien en(de)/ te geboe(re)n geloven(de) hem d(aer)inne nu(m)m(er)meer stoet te maken cor(am) vynck/ nausnyde(re) febr(uarii) v/