It(em) vanden gedinge dat geweest es voe(r) meye(r) en(de) scepen(en) van loeven tuschen janne de ruyte(re)/ in deen zijde en(de) willem(me) yden in dande(re) Alse van seke(re)n coren vruchten gewassen/ op te goede die wae(re)n geerds wilen van bullestraten sweer des voirs(creven) jans en(de) willems/ Van welken vruchten de voirs(creven) jan meynde dat hem deen helicht volgen soude/ want zij ten tide dat goerd starf wortel vast stonden d(aer)aen hem ongebruyck dede/ de voirs(creven) willem uut saken dat hij also hij seide de goede gewo(n)nen ende geworven/ hadde als wyn en(de) genomen tegen den voirs(creven) wilen goerde mids den welken hij/ hoepte dat hem deen helicht vanden vruchten voe(r) sijn ploechrecht volgen soude/ en(de) als erfman de helicht vander ander helicht Want hij de goede bloet aenverde bieden(de)/ des zijnen eed hebben de scepen(en) van loeven gewijst voe(r) een vo(n)niss(e) dat den voirs(creven)/ janne volgen sal zijns wijfs kynsgedeelte inde voirs(creven) goede en(de) heeft willem yet/ vander wy(n)ningen te volgen dat hij dat doe mach metten rechte cor(am) om(n)ibus scabi(ni)s/ au(gusti) ultima/