It(em) also als ten v(er)volge henricks vand(en) velde die geleidt es na des(er) stad/ recht tot allen den goeden jans hozen gescr(even) es geweest vand(er) selv(er) stad/ wegen den meye(r) van zichnen de voirs(creven) goede zo v(er)re die ond(er) hem wae(re)n/ te leve(re)n en(de) peyslic te doen volgen den voirs(creven) henr(icken) Bij also oft de voirs(creven)/ jan of yeman and(er)s hem d(aer)toe hadde willen rechts v(er)meten of and(er)s/ yet allege(re)n dat hij des op heden te mistide alhier voe(r) meye(r) en(de) scepen(en)/ te recht quame Dair hij noch nyeman(ne) and(er)s tegen den voirs(creven) henrick(en)/ gecompareert en es so hebben de scepen(en) van loeven(en) t(er) maniss(en) smeyers/ gewijst voe(r) een vo(n)niss(e) Zo wair des voirs(creven) henr(ix) wed(er)p(ar)tie niet en q(ua)me/ ten opstane smeyers en(de) van hen als zij en dede datmen hem dan/ vand(en) voirs(creven) goeden houden soude in zijnen beleide also v(er)re alst noch/ voe(r) hen comen es cor(am) scab(inis) in sca(m)pno sdonred(aichs) fe(bruarii) iii/