Item want stoot en(de) geschille opv(er)staen wae(re)n tuschen joffr(ouwe)/ lijsbetten vander heiden beghine in deen zijde en(de) janne/ baten van tong(er)lo wilen wynne der voirs(creven) joffr(ouwe) lijsbetten/ van hae(re)n goeden te herssele in dande(re) uut saken vander/pr pechtingen vanden selven goeden en(de) des d(aer)aen cleeft/ So hebben hen de selve p(ar)tien d(aer)af en(de) desgelijx van allen/ saken tuschen hen tot desen dage toe uutstaende gekeert/ en(de) gesubmitteert in segge(re)n en(d)e mynlike yffene(re)n Te weten/ de voirs(creven) joffr(ouwe) lijsbeth in huygen van udekem voirspreke/ en(de) wille(m)me meest(er)mans becke(re) en(de) de voirs(creven) jan in lodewijcke(n)/ mercx voirspreke en(de) wout(ere)n janssoen in alsulker vuege(n)/ dat elc p(ar)tie zijnen segge(re)n informacie geven sal van/ zijnen gebreke tuschen dit en(de) kersmesse naestcomen(de) en(de)/ dat de segge(re)n dan hoe(re) uutsprake d(aer)af doen selen bynnen/ den selven vier kersdagen En(de) of e(n)nig(er) p(ar)tien segg(er)/ gebrake dat hij in die stad eene(n) ande(re)n geliken sal moege(n)/ nemen Gelovende vast etc(etera) witte vync dec(embris) xiiii/