It(em) tvoirs(creven) recepit sal hier bliven den tijt van x jaren langh vand(en) dage/ van heden sond(er) middel volgen(de) Te dien eynde of yema(n) quame bynne(n)
//
den selven tijde dieme(n) bevonde na recht erfgename te wesen van giel(ijs)/ wilen van ype(re) en(de) van zijnre zijde en(de) also gericht zijnde in deen helicht/ vand(en) voirs(creven) goeden so v(er)re tvoirs(creven) beleid of guedinge niet en wa(r)en gedaen/ dat dan dese guedinge dien erfgename(n) gheen p(re)judijs dragen en/ sal hem en sal volgen inde stad vand(er) voirs(creven) helicht vand(en) goeden twee/ ryd(er)s erflic vand(en) voirs(creven) renten die opte voirs(creven) goede staende die boven/ last nu v(er)cocht zijn iiii ryd(er)s erflic maer tot dier tijt toe salme(n) der/ weduwen en(de) hoe(re)n kynde(re)n de rente laten heffen geheel En(de) of zij af/ geleeght worden bynne(n) dien tide soe salmen tghelt vand(en) ii ryders/ erflic weder aen leggen aen gelike renten die staen selen t(er) selver/ natue(re)n den tijt uut oft tgelt soe lange laten staen opten wissel en(de) of/ gheen erfgename hier en bynne(n) en compt soe sal dese guedinge in/ tgeheel stad grepen also wael vand(en) renten als vand(en) gronde vynck/ m(er)cels ja(nuarii) xxviii/

Dese ii ryd(er)s/ zijn afgeleeght/ bij pet(er)n van/ ijssche gelijc/ steet m(ar)tii/ xi li(br)[o] lxx viii/ in ista cam(er)a/ aen willem(me) de/ met en(de) d(aer) om/ heeft willem/ geco(n)senteert zo/ v(er)re in hem es/ datmen tvoirs(creven)/ recep(i)[t] gheve/ den vors(creven) pet(ere)n m(ar)tii xi a(n)no lxxviii/