Item alsoe als ten vervolghe gheerds joncke(re)n als geleidt totten goeden m(ar)grieten weduwe/ arnds wilen corfs gescr(even) es geweest den meye(r) van cumptich dat hij den voirs(creven)/ gheerde de voirs(creven) goede dede volgen bescheiden(de) der voirs(creven) weduwen en(de) ande(re)n/ p(ar)tien rechts d(aer)toe v(er)metende dach van rechte alhier voe(r) meye(r) en(de) scepen(en) dairaf/ den selven dach mids onleden inden rechte en(de) uutsette van p(ar)tien op heden diende/ Tot welken dage te voirs(creven) weduwe noch nyemand and(er)s tegen den voirs(creven) gheerde/ ge(com)pareert en es en(de) den selven gheerde zijn recht voerts versuecken(de) Soe hebben/ de scepen(en) van loven(en) ter maniss(en) smeyers gewijst voer een vo(n)niss(e) zoe waer/ des voirs(creven) gheerds wederp(ar)tien niet en quamen ten opstaen smeyers en(de) van hen/ gelijc en deden datmen hem dan vanden voirs(creven) goeden houde(n) soude in zijnen/ beleide also verre alst noch voe(r) scepen(en) comen es cor(am) scabinis in scampno sdonredaighs/ maii xix/