It(em) na veele v(er)haels en(de) handelingen die een wijltijts geweest heeft/ voer den rade vand(er) stad tusschen joffr(ouwe) katlinen weduwe jans wilen/ loenijs met h(er) robbeerte prieste(re) en(de) joffr(ouwe) magdelene hoe(re)n kynde(re)/ in deen zijde en(de) janne loenijs soen d(er) voirs(creven) joffr(ouwe) katlinen en(de)/ wilen jans met janne vanden borchove(n) en(de) goerde roelofs geleidt/ tot den goeden have en(de) erve des voirs(creven) wilen jans in dande(re) i/ Alse vanden regime(n)te d(er) omberuerliker goeden voirs(creven) dwelc de voirs(creven)/ jan loenijs een wile gehadt hadde d(aer) mede de voirs(creven) moed(er) en(de) hoe(re)/ ande(re) kynde(re) voirs(creven) niet te vreden en wae(re)n also zij seyden En(de) sund(er)linge/ de voirs(creven) moed(er) bege(re)nde d(aer) om dair toe te hebben en(de) gestelt te werden/ den voirs(creven) h(er) robbeerte die dat oic begeerde tontfaen en(de) p(rese)nteerde/ te v(er)borge(n) den voirs(creven) janne sijn jairlike renten Te weten xxx holl(antsche)/ guld(en) en(de) x mudde corens d(er) moed(er) leefdage en(de) dat hij de selve/ goede hae(re) leefdage houden soude in alsulken state als een tocht(er)sse/ die sculdich wae(re) te houden En(de) voirt dat de selve goede noch/ gheene van dien bynne(n) hoe(re)n levene uutgewonne(n) of v(er)reyct en souden/ werden vand(en) tsijse of come(re) d(aer) uutgaende en(de) of dat geschiede of/ waer gebreck inde voirs(creven) reparacie wae(re) dat hij dat oprichte(n) soude/ Dwelc bewyndt vand(en) goede(n) te hebbe(n) opte vuege(n) en(de) p(rese)ntacie voirs(creven)/ den selve(n) h(er) robbeerte geconse(n)teert waert hoe wael daer na/ seke(re)n stoot tusschen hem en(de) den voirs(creven) ja(n)ne zijne(n) brued(er) geresen/ es om d(er) voirs(creven) pointen wille die hij h(er) robbeert meynde al also/ als zij voirs(creven) staen niet ov(er)gegeve(n) noch by hem gep(rese)nteert te wese(n)/ So heeft de raed vand(er) stad op hede(n) [na] de gelegentheyt d(er) sake(n) en(de)/ des voe(r) by hen d(aer) af gehandelt es uutgesproken en(de) voe(r) recht/ get(er)mineert dat de voirs(creven) h(er) robbeert de voirs(creven) drie pu(n)ten also zij/ voer v(er)haelt staen v(er)borge(n) sal met seke(re)n goede(n) borge(n) die d(er) stad/ redelic en(de) goet genoech duncken selen Cor(am) a(m)bob[(us)] burgim(a)g(ist)ris (et)/ aliis in pleno (con)silio sept(embris) x/