Item also als henrick jans en(de) jan de blesse(re) mids macht van/scepen(en) brieven van loeven(en) gevo(n)nist by andriese van b(er)them/beleidt tot den goeden hillen wilen beytels welc hille van voere/beleidt was tot den goeden henricks wilen de roede inbescreven/comen zijn byden raide vand(er) stad alh(ier) ald(aer) de vors(creven) sculde(re)n
//
Na vele reden(en) bileid(en) te thoene(n) dat vand(en) reste van xii rijd(er)s d(aer)/voer zij bescreven wae(re)n de vors(creven) henrick doen hij leefde wael/vernuecht gheweest was welc thoeniss(e) coene nat(uer)lic zoen d(er) /vors(creven) wilen hillen hen opende (con)senterende zo waer de vorscr(even)/sculde(re)n des volquame(n) hen ontlast te worden vand(en) gevo(n)nisten/brieven vors(creven) des zij in tegewoird(icheit) vanden vors(creven) coene en(de) elzen/zijnre zuster voerd(en) raide alh(ier) volquamen Ende es mids dien/overdraghen en(de) uutgesprok(en) dat de vors(creven) brieve noch int boet/staen(de) t(er)stont te nyeute gedaen zullen werden en(de) dat de vorscr(even)/gepraemde p(er)sone voerta[e]n d(aer)af geheel en(de) all o(n)belast en(de) voert/ongemo[e]yt zullen bliven Ende es den zelven partien gebeden dat/zij den cost vanden inst(er)men(te) guetlic vernueghen wild(en) dwelc/zij in goed(en) redelich(eit) willekoerd(en) [te doen] dat geschiede voer liemi(n)g(en)/dieven burg(i)m(a)g(ist)ris et aliis de (con)silio dec(embris) xi a(nn)[o] lvii