Cond zij allen lieden dat jacob witteman zoen wilen jacobs/ in teg(enwoirdicheit) d(er) scepen(en) van loeven gestaen heeft genomen ende bekend/ dat hij genomen heeft van gheerde van m(er)chines geheten va(n)/ harwijn thof ten eycken met den huisingen hoven wynnen(de)/ landen beemden eeusselen en(de) ande(re)n zinen toebeh(oirten) [wilen] willems/ wilen lombarts zweers svoirs(creven) gheerds inde p(ro)chie van velthe(m)/ gelegen Te houden te hebben en(de) te wynnen van half meye/ naestcomen(de) eenen t(er)mijn van tweelf jaren langh deen na/ dand(er) staphans volgende Elcx jaers dae(re)n bynnen te weten/ de voirs(creven) wynnende lande op te helicht vanden vruchten d(aer)op/ wassende die de voirs(creven) wynne op zinen cost ter eerden leve(re)n/ sal en(de) dan tegen dat zij tijtveerdich zijn te bynden den voirs(creven)/ gheerde laten weten dat hij daer eenen zeynde den welken/ de wynne die wile datmen bynd en(de) svoirs(creven) gheerds helicht/ inne vuert in zijn schue(re) die hij ald(aer) behult loge(re)n ende den/ montcost sal gheven [sal] En(de) [es] vorw(er)de en(de) [hier inne] ond(er)sproken dat de voirs(creven)/ wynne des voirs(creven) gheerds helicht [van elken stucke] in doen [sal] eer hij de zijne [van dien stucke] sal/ moegen innevue(re)n en(de) alsmen de voirs(creven) vruchten desselfs gheerds/ derscht zo sal de wynne den derssche(re) den montcost gheven/ en(de) dair voe(r) sal hij hebben alle drie daghe datmen derscht/ een molevat graens alsulx alsmen dair dersschen sal het zij/ rogge tarwe gherste evene oft er[we]ten maer gheerd sal de/ crinsen behouden en(de) [tgrain] all gedorsschen zijnde zo sal de wynne/ dat jairlix hie(re)n bynnen [des voirs(creven) gheerds helicht] te loeven oft te mechlen dairt den/ voirs(creven) gheerde dat gelieven sal leve(re)n It(em) dat de selve wy(n)ne/ de voirs(creven) lande sal wynnen en(de) werven wel en(de) loflic op zijn/ getidege voren te weten den wynt(er)aert op vier voren de/ gerste op drie en(de) devene op twee en(de) die laten tsijnen/ afscheiden gelijc hijze vynden sal tsijnen ae(n)comene dats/ te weten dblock neven thof houden(de) omtrint tweelfdalf/ boend(er) de [twee] boend(er) d(aer)af met tarwen [besaeyt] en(de) dand(er) met rogge It(em)/ acht boend(er) en(de) een dach(mail) lands de drie boend(er) [d(aer)af besaeyt] met ghersten/ / en(de) tsurplus met evenen [van] welke(n) acht boend(er)n en(de) een dach(mail) in/ sess stucken ald(aer) gelegen zijn en(de) deen houden(de) derdalf boend(er)/ es geheeten die vier boende(r) dande(re) oic derdalf boend(er) houdende/ heett die groote goessens hage tderde stuck es groot vijf dach(mail)/ en(de) heett die cleyn goessens haghe tvierde houden(de) oic vijf/ dach(mail) es geheeten die surte tvijfste gelegen op cortenbosch/ hult een half boend(er) en(de) tseste stuck oic op cortenbosch gelegen/ es [groot] een dach(mail) groot It(em) acht boend(er) braken eens omgedaen/ in vier stucken liggende te weten deen stucke es gelegen neve(n)/ thof en(de) hult vijfdalf boend(er) dande(re) houden(de) omtri(n)t twee/ boend(er) leeght op te vormezelle tderde stucke voer thof hult/ vijf dach(mail) of d(aer)omtri(n)t en(de) tvierde stucke acht(er) lijnen wans/ een dach(mail) Noch es vorwerde dat de voirs(creven) wynne jairlix/ den voirs(creven) t(er)mijn due(re)nde graven en(de) verheffen sal vijfen(de)/ twintich roeden grechten op zijnen cost en(de) alle dande(re)/ grechten die de voirs(creven) gheerd ald(aer) heeft en(de) zo v(er)re hem/ die gelieft gegraven te hebben sal de wynne oic graven ende/

verheffen en(de) d(aer)toe sal hem gheerd te hulpen gheven van/ elker roeden xviii myten en(de) alle deerde uuten voirs(creven) grechte(n)/ comende sal de wynne [op zijnen cost] vue(re)n opte voirs(creven) lande ten meeste(n)/ p(ro)fijte d(er) selv(er) It(em) dat de voirs(creven) wynne jairlix hie(re)n bynne(n)/ int voirs(creven) hof leve(re)n sal veertich busselen goed(er) custbae(re)r walme(re)/ om die huisinge ald(aer) mede te decken en(de) zo wa(n)neer men die/ verdect oft and(er)s van ouden wercke plect ty(m)mert oft metst/ bynnen den voirs(creven) hove zo sal de wynne den wercklieden/ den montcost gheven en(de) de voirs(creven) gheerd de dachhue(re)n en(de)/ wes men d(aer)toe behoeft alsoe wale tghene dat opte de voirs(creven)/ gheerd d(aer)omtrint [tot dien] coopen sal alst als dat opte voirs(creven) goede/ wast en(de) bevonden werdt sal de voirs(creven) wynne halen op/

zinen cost en(de) naerd(er) bringen op zijnen cost en(de) de wende/ vanden selven hove houden wel en(de) loflic tzijnen laste vand(er)/ und(er)ster rikelen ned(er)w(er)ts Voirt es vorweerde dat de voirs(creven)/ gheerd jairlix hie(re)n bynnen coopen sal ter buecken oft d(aer)omtri(n)t / / thien schat voede(re)n mests [op dat hijt gecrigen can] dwelc de voirs(creven) wyn halen en(de)/ vue(re)n sal op te voirs(creven) lande en(de) oft hij [hij gheerd] gheen te coope en/ vonde zo sal hij voir elck schat voed(er) gheven vier stuv(er)s/ om dairmede stroe te coopen dwelc de wynne halen sal/ en(de) int hof tsamen met allen den stroe vanden voirs(creven) goede(n)/ comende te meste beke(re)n en(de) dat all vue(re)n op te selve/ lande [en(de) nergens eld(er)s] alsoe wale op te verste als op te naeste en(de) ten sla(n)ts/ meesten p(ro)fijte en(de) desgelijx sal de selve wynne oick/ jairlix op te voirs(creven) lande vue(re)n vijfen(de)twintich voed(er)s/ mergels elc voed(er) met vier p(er)den dien hij op zijnen/ cost coopen sal en(de) oft hij dien niet al gehalen en conste/ zo mach hij voe(r) de vijf voed(er) d(aer)af coopen en(de) also vue(re)n/ vijf schat voed(er)s mests en(de) den voirs(creven) m(er)ghel alsoe bracht/ zijnde zo sal de wynne den voirs(creven) gheerde dat cundigen/ oft yemande and(er)s dien gheerd hem noemen sal om den/ selven m(er)gel te visente(re)n Oic es hier inne gecondicioneert/ en(de) ond(er)sproken dat de voirs(creven) wynne den voirs(creven) t(er)mijn langh/ hebben sal die eeuselen acht(er) thof om met zijnen beesten/ te ettene en(de) seven dach(mail) beemds dairaf de drie dach(mail)/ liggen in winxelbroeck een dach(mail) inde boerbeemde/ en(de) dand(er) drie dach(mail) neven deeussel henricks wilen va(n)/ winxele jairlix hie(re)n bynnen voe(r) en(de) om twintich/ holl(ants) gulden(en) ts(in)te m(er)tensmisse te betalen den voirs(creven) gh(er)de/ Alle jare den voirs(creven) t(er)mijn due(re)nde en(de) telken t(er)mijne alse/ vervolghde schout by alsoe oft den voirs(creven) gheerde geliefde/ wed(er) te hebben dat hij d de voirs(creven) cleyn beemde dat hij/ die hebben sal en(de) den wynne d(aer)voe(r) jairlix afslaen drie/ d(er) voirs(creven) hollants gulden(en) It(em) sal de voirs(creven) wynne jairlix/ hie(re)n bynnen op te voirs(creven) lande saeyen een zister lijzaets/ d(aer)toe hem de voirs(creven) gheerd op dierste jaer vand(en) voirs(creven)/ t(er)mijne de helicht vanden zaeye l[e]enen sal en(de) tvlas/ d(aer)af comende [dat] gesleten en(de) gedroeght zijnde zo selen gheerd/ en(de) de wyn dat deylen half en(de) half en(de) ten lesten jare/ vanden selven t(er)mijne zo sal de wynne den voirs(creven) gheerde/ / zijn voirs(creven) halst(er) lijzaets wed(er) leve(re)n It(em) es vorw(er)de dat de/ voirs(creven) wynne alle jaire den voirs(creven) t(er)mijn due(re)nde den voirs(creven)/ gheerde te loeven leve(re)n sal tweelf hond(er)t mutsarts die/ de wynne vanden trunceycken en(de) boomen ald(aer) sal maken/ It(em) dat de voirs(creven) gheerd den voirs(creven) wynne tsijne(n) ae(n)comene/ copen sal vijftich scape die hij t(er) helicht houden sal/ en(de) tallen drie jae(re)n den voirs(creven) gheerde half deylen en(de)/ altijt als zij tijtveerdich zijn te schee(re)n zo [sal] de wynne/ den selven gheerde dat ontbieden om zijn knape dair/ by te zeynden [dien de wyn zo la(n)ge hij d(aer)om uut zijn sal den montcost sal gheven en(de) h(er)berge(n)] en(de) die geschoren wezende zo selen/ de wyn en(de) gheerd de wolle half en(de) half deylen/ en(de) de wynne sal gheerds helicht te loeven oft te mechlen/ daer geerde(n) dat gelieft vue(re)n It(em) sal de voirs(creven) wynnen [jairlix hie(re)n by(n)nen] ten/ behoirliken tide moegen sleenen en(de) truncken alle opgaende/ weechout en(de) de willegen truncken en(de) dair voe(r) sal hij/ gheerde alle jae(re) leve(re)n te loeven oft elde(re) dair gheerde(n)/ gelieven sal sess hondert staken alsulke als dair wasse(n)/ selen en(de) sal de selve wynne alle jare den voirs(creven) t(er)mijn due(re)nde/ opte voirs(creven) goede moeten setten t(er) minst(er) schaden xxv/ poten en(de) oft ald(aer) e(n)nige willegen v(er)droeghden die sal de wynne/ als hijt gheerde gecundicht heeft moegen afhouwen en(de) voe(r)/ elke willege wed(er) twee willegen poten moeten setten It(em) alle/ doeft opte voirs(creven) goede wassende sal de wynne jairlix hie(re)n/ bynnen op zijnen cost t(er) eerden leve(re)n en zo wa(n)neer men dat/ afdoet zo saelt de wynnen den voirs(creven) gheerde laten weten/ op dat hij eenen knape dair by zeynden mach den welken/ de wynne zo lange men dair ov(er) onledich es loge(re)n en(de)/ den montcost gheven sal en(de) tselve oeft t(er) eerden zijnde ses/ zo selen de voirs(creven) gheerd of zijn knape [en(de)] de wyn dat te gelijc/ deylen en(de) de wyn sal gheerds helicht te loeven leve(re)n It(em)/ sal de voirs(creven) wynne den voirs(creven) gheerde jairlix te paeschen/ de voirs(creven) jaerschae(re) due(re)nde leve(re)n twee hond(er)t eye(re) en(de) sal/ de voirs(creven) gheerd oft hijs behoefde themw(er)t behouden en(de) nemen/ alle de huise die de voirs(creven) wilen willem zijn zweed(er) [zweer] te hebben/ plach te weten de cokene mett(er) came(re)n dair neven beide/ / de came(re)n boven de cokene den berch de poerte den p(er)tstal neven/ de sale en(de) deen schue(re) van beiden Ende es hier inne bevorw(er)t/ dat de voirs(creven) wynne jairlix zijnen voirs(creven) tijt due(re)nde betalen/ sal in afslage vanden voirs(creven) weygelde der weduwen ja(n)s/ wilen van duffle te kersmesse vierthien rijnsch(e) gulden(en) zo in/ tijts dat gheerden d(aer)af gheen schade en geboe(re) en(de) oft hij by/ gebreke van dier betalingen e(n)nige schade lede die heeft hem/ de voirs(creven) wynne geloeft op te richten en(de) vand(er) selv(er) betalingen toegeseeght/ scadeloes te houden en(de) tontheffen en(de) dat de selve wyn oic/ alle jae(re) dae(re)n bynnen betalen sal den cleynen tsijs die tgodsh(uys)/ van vrouwen p(er)cke heeft aen de voirs(creven) goede te weten een(en) cap(uyn)/ en(de) xxiii pe(n)ni(n)ge en(de) de drie deel van eenen pe(n)ni(n)ge te xiiii/ miten elken pe(n)ning gerekent die maken tsamen xiiii pl(a)c(ken) v gr(ipen)/ en(de) een myte zond(er) den voirs(creven) cap(uyn) zo in vrien [tijts] dat den voirs(creven)/ gheerde noch zijnen goeden d(aer)af gheen schade aengedaen en/ werde en(de) oft by faulten van dien [hem] e(n)nige schade gedaen/ worde d(aer)af heeft de wyn den voirs(creven) gheerde geloeft/ scadeloes te lossen It(em) sal de voirs(creven) wyn sal des voirs(creven) gheerds/ wijne vanden roesselberge jairlix hie(re)n tuschen te loeve(n)/ tsijnen huise vue(re)n en(de) dair voe(r) sal de wyn jairlix hebben/ op deynde vanden grooten boeg(ar)de een cleyn plexken lants/ dwelc hij met d(er) groeffelen moet doen graven en(de) and(er)s niet/ en(de) d(aer)af alleene de vruchten trecken by alsoe dat hij alle/ jare den voirs(creven) gheerde d(aer)voe(r) gheven sal een moelevat/ boenen Voirt es hier inne ond(er)sproken dat zo wa(n)neer/ dleste jaer vanden voirs(creven) t(er)mijne comen es en(de) de voirs(creven)/ wynne de voirg(eruerde) lande lestw(er)f sculdich sal zijn te besaeyen/ dat dan [d(aer)toe] de voirs(creven) gheerd sal moegen nemen eenen saeye(r)/ dien hem gelieven sal den welken de wyn sculdich zal zijn/ te betalen en(de) te vernueghen It(em) dat de selve wynne seven/ weken voe(r) duutgaen vanden voirs(creven) t(er)mijne gheen beesten en/ sal moegen doen in deeussele noch inde beemde voirscr(even)/ noch gheen willegen inde merte voe(r) duutgaen vanden selven/ t(er)mijne moegen truncken It(em) sal de voirs(creven) gheerd jairlix/ hie(re)n bynnen gheven den voirs(creven) wynne vier ellen lakens/ / teenen tabbaerde en(de) dair voe(r) sal hij gheerden houden drie/ hamelen die gheerden alleene mett(en) wollen d(aer)af comende/ alleene toebehoe(re)n zelen En(de) selen de voirs(creven) gheerd en(de) de/ wyn op dat e(n)nigen van hen gelieft van malcande(re)n ten/ halven t(er)mijne moegen scheiden by alsoe dat de ghene die/ scheiden wilt dat den ande(re)n een jaer te voe(re)n kundigen sal/ Ende alle dese vorwerden geluften ende (con)dicien boven gescr(even)/ hebben de voirs(creven) gheerd en(de) de wyn geloeft malc ande(re)n vast/ en(de) gestede te houden en(de) [volcomelic] te voldoene tallen tiden ende/ t(er)mijnen als die vallen en(de) verschijnen selen en(de) telken t(er)mijne/ alse vervolghde schout Ende hier voe(r) zijn borgen svoirs(creven)/ wynnen alse p(ri)ncipale sculde(re)n ongesund(er)t en(de) elc voer/ all jan van nurode zijn swag(er) ende jacob ymbrechts woenen(de)/ te loeven zoen wilen willems et p(ri)m(us) k(er)smake(re) borch(oven) m(ar)tii vi