Item alsoe als ten scrivene vand(er) stad marie weduwe pierards wilen /bertrand op heden alhier dach hadde voe(r) meye(r) en(de) scepen(en) van loeven/tegen janne goes geleidt na den rechte van des(er) stad tot den goeden /jans me(n)nens behuwde soen d(er) voirs(creven) marien alse van zeke(re)n goede(re)/ d(aer)aen zij den voirs(creven) geleidden ongebruyck dede te weten een huys/en(de) hof met zijnre toebeh(oirten) gelegen te waultierbraine aen de /strate gaende te braine a chasteaul wairt neven de goede /marrien sclercx Ende de voirs(creven) marie b(er)trands thoe(re)n dage/van rechte niet en qua(me) so hebben de scepen(en) van loeven t(er) /maniss(e) smeyers gewijst voe(r) een vo(n)niss(e) zo verre de voirs(creven) /marie niet en quame ten opstaen smeyers ende van hen gelijc zij en dede /datmen dan den voirs(creven) janne goess houden sal vanden voirs(creven) goeden in zine(n) /beleide zo v(er)re alst noch voe(r) scepen(en) comen es cor(am) roel(ofs) pryke(re) m(er)cels /das julii xv/