SAL7752, Akte: R°209.3 (1088 van 1440)
Akte R°209.3
Act
Taal: Nederlands
Transcriptie
2012-09-20 door Jos JonckheerIt(em) jorijs van udekem als geleidt tot den goeden gerards de furneamont /dbeleid in zijn hande hebben(de) heeft gegeven en(de) bekend dat hij gegeve(n) /heeft janne del chambre va(n) aynines omtrint vii½ boende(re)n lands /des voirs(creven) gerards gelegen tuschen aynines en(de) nodrai(n)gnes en(de) /acht(er) nodraingnes in div(er)se stucken ald(aer) Te houden te wyn hebbe(n) /en(de) te wynnen van ingange m(er)te naestcomen(de) eene(n) t(er)mijn va(n) vi /jae(re)n langh deen na dand(er) eenp(er)lic volgen(de) elx jairs dae(re)n bynne(n) /op te helicht vand(er) vruchten d(aer)op wassende de welke de /wyn en(de) jor(ijs) te gelike jairlix selen doen afdoen en(de) op te velde /deylen half en(de) half d(aer)af de wyn tgedeelte svoirs(creven) jorijs /yerst inne vue(re)n sal eer hij tsijne ruert in de schue(re) ald(aer) des /voirs(creven) gerards It(em) es vorw(er)de dat de voirs(creven) jorijs hebben en(de) /in doen sal de dwynt(er)coren toeghste naestc(omende) op te voirs(creven) goede /gewassen die de voirs(creven) gerard nu besaeyt heeft en(de) sal de /voirs(creven) wyn jairlix hie(re)n bynnen vanden gedeelte svoirs(creven) jorijs /voe(r) uut hebben een dach(mail) zom(er)corens en(de) iii groot roden wijnt(er)corens /dair de wyn dat kiesen sal It(em) sal de voirs(creven) wynne de voirs(creven) /lande wel en(de) loflic wynnen en(de) werven en(de) jairlix d(aer)op vue(re)n / alsoe vele mests als de voirs(creven) gerard en(de) eens d(aer)en bynnen [den voirs(creven) t(er)mine] ov(er)/mesten of m(er)gelen en(de) want den voirs(creven) wynne nu geleent es zijn /iiii rijnsch gulden(en) So heeft hij die geloeft den voirs(creven) jorise /den eene(n) rijnsch gul(den) d(aer)af bynnen eene(n) jae(re) naestc(omende) den ande(re)n /bynne(n) eene(n) jae(re) d(aer)na den derden bynne(n) eene(n) jae(re) d(aer)na volgen(de) /en(de) den vierden bynnen eene(n) jae(re) d(aer)na v(er)volgen(de) te betalen /quol(ibet) ass(ecutu)m witte lyemi(n)ghen febr(uarii) xiii/
Nagekeken door: Inge Moris , Paul Peeters , Sabrina Keyaerts
Moderator: Sabrina Keyaerts
Laatste update:: 2012-09-20 door Sabrina Keyaerts