It(em) van [alle] alsulken stoote als opv(er)staen was tuschen ja(n)ne van ermbeghe(m) /geheten van den rode in deen zijde goirde van ermbeghem gehete(n) /van rode zijnen brued(er) wille(m)me de witte en(de) henricken vanden /schriecke beide swage(re)n d(er) voirs(creven) gebruede(re)n in dande(re) van den /goeden gebleven na de doot van goirds wilen van ermbeghem vad(er)s /d(er) voirs(creven) gebrued(ere)n en(de) jans wilen zijns brued(er)s en(de) van des d(aer)aen /cleven mach en(de) desgelijx va(n) allen geschille tuschen hen tot /des(er) dage toe uutstaende hebben hen de selve p(ar)tien v(er)bonde(n) /en(de) gesubmitteert in segge(re)n en(de) mynlike yffene(re)n te weten /de voirs(creven) ja(n)nes in gorisen van wynghe [hildegerde va(n) holsbeke sec(re)tar(is) in] en(de) gielisen stroeprock en(de) /de voirs(creven) goird en(de) zijn swag(er)s in arnold kyp oic sec(re)tar(is) en(de) in /arnde de witte brued(er) svoirs(creven) willems in alsulk(er) vueghen dat /elc p(ar)tie zijne(n) segg(ere)n va(n) zijnen bescheide in forme(re)n sal bynnen xiiii /nachten naestcomen(de) en(de) dat dan de selve segg(er)s oft zij d(aer)af /v(er)eenigen konnen hoe(re) uutsprake doen selen bynnen viii dagen /d(aer)na en(de) oft zij niet v(er)eenigen en konnen zo selen de selve /seeghslude de saken dragen voe(r) scepen(en) van loeven tuschen /en(de) dat en(de) kersmesse d(aer)naest volgen(de) om d(aer)af op cost va(n)d(er) /ongeliken een vo(n)niss(e) va(n) rechte te hebben en(de) oft e(n)nig(er) /p(ar)tien segg(er) gebreke dat hij in die stat gelike sal moege(n) /nemen geloven(de) vast (etc) lye(ming)en m(er)cels no(vembris) xxviii/