Item na dat op heden biden raide vander stad alhier gehoert zijn al int/ langhe claes lodewijcks in deen zijde en(de) jorijs van streke t(er) ande(re) van/ zeke(re)n heuren geschille te weten dat hem de voirs(creven) claes becroende dat/ hem en(de) zinen beleide de vors(creven) jorijs ongebruyck dede aen zeker goede/ boven zeke(re)n vo(n)niss(en) alhier gegaen (et)c(etera) dair op de vors(creven) jorijs hem v(er)antw(er)den(de)/ allegeerden van zeke(re)n zegg(er)scape bege(re)nde datmen dien navolghde (et)c(etera)/ Es biden rade vander stad den u p(ar)tien uutgesproken dat de vors(creven)/ jorijs ter stont zijn hande en(de) all ongebruyck doen ende lichten sal/ vanden voirs(creven) goeden en(de) dat zij biden zegge(re)n trecken bynnen by(n)nen/ xiiii nachten naestcomen(de) en(de) hen bidien en(de) goeden ma(n)nen verliken/ oft zij konnen Ende oft dair gebreck in viele dat zij van heden/ in xiiii nachten te mistide dan alhier wedercomen biden raide vand(er)/ stad om alsdan hen te vueghen na tghene des hen vander stad alsdan/ uutgesproken sal worden Act(um) in (con)silio sgoensd(aichs) no(vembris) xii