SAL7754, Act: V°297.2 (647 of 785)
Search Act
previous | next
Act V°297.2  
Act
Date: 1461-04-21

Transcription

2022-11-06 by Kris Groffen
It(em) m(ar)griete weduwe henricx wilen de vyssche(re) [beghine es come(n)] in teg(ewoirdicheyt) vande(n) meye(re)/
en(de) scepen(en) van loeve(n) hier na genoempt met zeke(re)n scepen(en) brieve(n)/
van loeve(n) gemaict en(de) gepasseert int jair xiiii[c] xli xxvi dage/
in januario d(air)mede zij gegoedt en(de) gevesticht es uut beleide va(n)/
scepen(en) brieve(n) va(n) loeve(n) in vijf gulden ryd(er)s jairlik(er) lijfrenten/
thue(re)n live en(de) wilen claren hue(re)r docht(er) en(de) des lanxste leven(de)/
va(n) hen beide(n) alle jare xxvi dage in januario vallen(de) aen en(de) op zeke(re)/
goede doen toebeh(oirende) clasen boeg(ar)t tot langdorp gelege(n) gelijc de/
voirs(creven) scepen(en) brieve die inhoude(n) en(de) v(er)cle(re)n Van welk(er) lijfrente(n) voirs(creven)/
de voirs(creven) weduwe zeide gebreck te hebbe(n) va(n) betalinge(n) trecht d(air)om/
aende(n) voirs(creven) meye(re) bege(re)nde en(de) v(er)zueken(de) alsoe dat de selve meye(r) mae(n)de/
des den scepen(en) va(n) loeve(n) de welke wijsden voe(r) een vo(n)niss(e) datme(n) d(er)/
voirs(creven) weduwe(n) va(n) hue(re)n voirs(creven) gebreke op de voirs(creven) goede uutpa(n)di(n)ge/
doen sal vand(er) haven d(air)op wesen(de) en(de) den meest(er) vande(n) gronde d(air)op/
wesen(de) toebeh(oirende) en(de) tot dien leveri(n)ge desselfs gronds om d(er)zelv(er)/
weduwen hue(r) voirs(creven) gebreck met coste en(de) co(m)me(r) d(air)op geloepe(n)/
te moegen v(er)reycken act(um) cor(am) witte colen ap(ri)lis xxi
ContributorsJef Willemsens
Moderated byJef Willemsens
Add. 1

Transcription

2022-11-06 by Kris Groffen
It(em) navolgen(de) den voirs(creven) vo(n)niss(e) zo zijn d(er) voirs(creven) weduwe(n) behoirlike/
brieve gescreve(n) aende(n) meye(re) van arschot
ContributorsJef Willemsens
Moderated byJef Willemsens
Last update: 2019-03-28 by The Administrator