Wate(re) scolast(er)/ It(em) vanden gedinge dat geweest es voe(r) meye(r) en(de) scepen(en) va(n)/ loeven(e) tuschen philipse scolast(er) in deen zide en(de) janne vand(en)/ wate(re) zoen henrix vanden wate(re) als geleidt na den rechte/ van des(er) stad januarii xxiiii a(nn)[o] lvii tot den haefliken goede(n)/ henrix van poelkene zijns oems welck henrick va(n) voe(r)/ geleidt was tot den haefliken goeden joffr(ouwen) marien vand(er)/ hulpen weduwe jans wilen van belanen gelijc steet oct(obris)/ xxv a(nn)[o] xlii in dande(re) Alse vanden haefliken goeden gebleve(n)/ na de doot der voirs(creven) wilen joffr(ouwen) marien de welke de voirs(creven)/ philips aensprack en(de) meynde dat hem sculdich ware(n) te/ volgen bij zeke(re)n reden(en) die hij allegeerde en(de) zund(er)linge mids/ zeke(re)n guedingen en(de) opdrachten die de voirs(creven) joffr(ouwe) marie/ va(n) allen haren goeden have en(de) erve gedaen hadde voe(r)/ scepen(en) vand(er) vue(re)n den kerckmeest(er)s vand(er) vue(re)n tot d(er) kercken/ vand(er) vue(re)n behoef welke kerckmeesters de selve goede/ opgedragen en(de) overgegoedt hadden met scepen(en) brieve(n)/ vand(er) vue(re)n den voirs(creven) philipse bieden(de) d(aer)af zeke(re) thoeniss(en)/ metten brieve(n) d(aer)af gemaict Den voirs(creven) janne houden(de) ter/(con)t(ra)rien dat hem en(de) zinen beleiden de voirs(creven) goede sculdich/ waren te volgen na zeke(re) t(er)mi(n)acien vo(n)niss(en) en(de) ande(re) ha(n)delinge/ va(n) rechte d(aer)af alhier geschiet die ind(er) rechte gelezen ware(n) ten(de)/ dat hem de voirs(creven) scepen(en) brieve vand(er) vue(re)n d(aer)aen gheen hind(er)/ zijn en zoude(n) gem(er)ct datme(n) gheene have opdragen noch goede(n)/ en mochte ond(er) tvo(n)nis van des(er) stad zund(er)linge als de hebbe(r)/ oft opdrage(r) va(n) alsulken haefliken goede(n) die bleve houden(de) en(de)/ besitten(de) gelijc de vors(creven) joffr(ouwe) marie hue(re) have dede lange jare(n) d(aer)nae/ allen hoe(re)n duerdach dore met meer woirde(n) die zij in beide(n)/ ziden d(aer)toe allegeerde(n) So hebbe(n) de scepen(en) va(n) loeve(n) t(er) maniss(en)/ smeyers gewijst voe(r) een vo(n)niss(e) na aensp(ra)ke v(er)antw(eer)den en(de)/ thoeniss(en) svoirs(creven) philips dat alsulken aensprake als de voirs(creven)/ philips gedaen hadde vand(en) voirs(creven) goede(n) den voirs(creven) ja(n)ne noch/ zine(n) beleid(e) gheen onstade doen en sal cor(am) o(mn)ib(us) scab(inis) julii xxiiii