Item also als h(er) arnd kijnen priest(er) geleidt mids wettigen gebreke/ tot den goeden jans kijnen ende katlinen zijnre dochter gescreve(n)/ es den meye(r) van cumptich de selve goede onder hem wezen(de)/ have ende erve den voirs(creven) h(ere)n arnde peyslic te doen volgen/ bescheidende den voirs(creven) janne katlinen en(de) laureise hoe(re)n man dach/ van rechte alhier op heden te mistide Dair gheen van hen come(n)/ en es soe hevet tvo(n)nis der scepen(en) van loven(e) gewijst soe/ verre h(er) arnds wederp(ar)tie niet en quame ten opstane smeyers/ ende der scepen(en) alzo zij en deden datmen hem dan houden/ sal vanden voirs(creven) goeden in zinen beleide also v(er)re alst noch/ voe(r) hen comen es cor(am) scabinis in scampno julii vii[a]