It(em) joff(rouwe) marie weduwe jans wilen wijnricx woenen(de) te loeven inde/ minderbruederstrate ende joff(rouwe) katiline heur dochter te voren uut der/ selv(er) heurer moeder brode en(de) plicht behoirlic gedaen hebben wettelic/ gemechticht en(de) volcomen macht gegeven en(de) met des(en) l(ette)ren mechtich/ maken en(de) volcomen macht gheven pet(ere)n van cleve heuren diene(re)/ om alle heure chijze renten pachten en(de) sculden diemen hen nu/ sculdich es oft namails wesen sal te manen teyschen op te bo(r)en/ en(de) tontfanghen den sculde(re)n van zinen ontfanghe quijt te scelden/ en(de) quitancie te gheven de selve chijze renten pachten en(de) sculden/ en(de) alle heure ande(re) saken en(de) stucken die zij nu te doen hebben/ oft namails hebben zelen moegen in aenlegg(er)s oft verweerd(er)s/ stad aen en(de) tegen eenenyegeliken met rechte te vervolgen en(de)/ te bedingen die te wynnen en(de) te verliesen tallen plaetsen en(de)/ voir alle gerichten daer dat behoeven en(de) te doen sal wesen en(de)/ alle manie(re)n en(de) pointen van rechte daer toe te vorde(re)n die nae/ recht oft costume vande(n) plaetsen daer dat geboirt behoiren moege(n)/ en(de) voerts alle tghene (et)c(etera) Geloven(de) vast (et)c(etera) cu(m) (com)putacio(n)e gelijc/ hij dat oic voer ons geloeft heeft et cu(m) revoc(acione) cor(am) hoeven/ burg(imagistro) tymple blanckairt no(vembris) x