It(em) also comen zijn in rechte voe(r) meye(re) en(de) scepen(en) van loeven jan everarnds/ van arschot in deen zijde en(de) jan van thienen handschoemake(r) in dande(re)/ aldair de voirs(creven) ev(er)arnds dede lezen eenen scepen(en) brief van arschot/ dair mede de voirs(creven) jan van thienen tegen hem gehuert hadde zijn huys/ en(de) hof gelegen tarschot aende hoebrugghe xii jair langh ingaende/ ts(in)t jansmisse int jaer xiiii[c] vivenvijftich en(de) elcx jairs voer en(de) om/ vier hollantsche gulden(en) ts(in)t jansmisse alt(oes) vallen(de) van welcker hueren/ de voirs(creven) jan everarnds zeide hem in gebreke te wesen van allen den/ jairen voirscr(even) uutgedaen van eenen jaire eysschende d(air)om vanden and(ere)n/ elff jairen betalinghe oft bewijssenisse van betalingen D(air)inne de/ voirs(creven) van thienen meynde niet gehouden te wesen mids zeke(re)n reden(en)/ en(de) zunderlinghe mids eenen vo(n)nisse der scepen(en) van loeven tusschen hen/ gewijst int jair xiiii[c] lx ja(nua)[rii] xiii vander hueringhen die alsdoen/ gevallen was also de voirs(creven) ev(er)arts zeide en(de) d(air)af hij betalinge yesch/ vanden welcken de voirs(creven) van thienen met den voirs(creven) vo(n)nisse quijt gewijst
//
wairt gelijc tselve vo(n)nisse dwelck geregistreert steet onder calab(er) en(de)/ de voirs(creven) van thienen dede lezen in rechte dat inhielt So hebben/ de scepen(en) van loeven gewijst voer een vo(n)nisse dat de voirs(creven) jan van/ thienen gehouden zijn sal den voirs(creven) janne ev(er)arts betalinghe of/ bewijssenisse van betalinghen te doen vander hue(re)n gevallen zyd(er)t/ den voirs(creven) yersten vo(n)nisse cor(am) roel(ants) tymple abs(oloens) blanck(ar)t zande/ vync marcii iii