It(em) wij abs(oloens) blanckairt scepen(en) te loeven doen cond eene(n)yegeliken dat/ voir ons gestaen in p(ro)pe(re)n p(er)soene gorijs van s(in)te peters soen wilen pet(er)s/ van s(in)te pet(er)s heeft geordineert geco(n)stitueert en(de) gemaict co(n)stitueert/ ordineert en(de) maict met des(en) l(ette)ren zijnen meye(re) van zijnen bewynde/ en(de) h(er)lich(eit) die hij heeft inde prochien van lovenjoul en(de) va(n) cortbeke/ ov(er)loe janne brabants van lovenjoul Gevende en(de) verleenen(de) den selve(n)/ janne volcomen macht en(de) zunderlinghe beveel de voirs(creven) meyerie wel/ en(de) getruwelic te bedienen ende te verwaren en(de) alles te doen en(de)/ te vorde(re)n dat zijn voerseten meye(re)n aldair vermoegen hebben ende/ geploghen te doen niet daer inne uutgescheiden ende oic de tsijze/ rinten en(de) pachten desselfs gorijs bynnen den voirs(creven) plaetsen te manen/ teyschen op te bo(r)en en(de) tontfangen en(de) die opte pande en(de) ond(er)pande/ met rechte te v(er)volgen en(de) de sake dairaf met rechte en(de) tot den eynde/ desselfs te handelen en(de) te bedingen en(de) alles d(air)inne te doen en(de) te/ vord(ere)n dat de vors(creven) gorijs selve doen soude of mochte wairt dat hij/ in zijnen p(er)soene voer oeghen wa(r)e Geloven(de) vast (et)c(etera) ap(ri)lis ix