Peter van hoeberghe/ It(em) vander aenspraken die laureys van wynghe alse geleidt [en(de)] also hij zeyde/ wettich gebreck hebbende tot en(de) aen den goeden have en(de) erve kerstiaens/ wilen meys zijns behuwde zoons gedaen heeft tot pet(ere)n va(n) hoeb(er)ghe/ soen wilen jans alse van zeke(re)n eycken en(de) alboemen houten die/ de voirs(creven) peter gecocht hadde tegen kerstiane soon svoirs(creven) wilen/ kerstiaens en(de) stonden op zeke(re) zijn erve gelegen te libbeke omtr(in)t/ den cleynen moelenkene van welcken erve de voirs(creven) peter de voirs(creven) houte(n)/ gehouwen en(de) ewech gevuert hadde also de voirs(creven) laureys dede zeggen/ bege(re)nde dairaf richtinghe groetsende die schade dairaf op thien/ ryders oft ter taxacien van goeden ma(n)nen In welcke restitucie de/ voirs(creven) peter meynde ongehouden te wesen bij zek(ere)n reden(en) die hij d(air)toe/ allegeerde So hebben de scepen(en) van loeven ter maniss(en) tsmeyers/ gewijst voer een vo(n)nisse dat de voirs(creven) laureys met zijnen beleide aen/ den voirs(creven) pet(ere)n metter aenspraken verdoolt es cor(am) o(mn)ibus scabi(ni)s oct(obris) xxiiii