It(em) h(er) [meester] bertelmeeus philippi geheten van middelborgh prieste(r) heeft/ opgedraghen met rechter verthijenissen de helicht van een(en) savoire/ met den dijcken dair om gaende also tselve savoir met zijnen dijcken/ aldair besloten es met eenen gestijpte alo(m)me met den gebruycke/ vander poirten ald(aer) staende daer dwater onder loept dat int/ voirs(creven) savoir compt en(de) vanden ganghe van dier poirten tot den/ savoire voirs(creven) gelijc tselve savoir gelegen es in allen zijden/ tusschen de goede svoirs(creven) h(er) bertelmeeus die hij tegen den goidshuyse/ van elff duysent meeghden opte halfstrate gecregen heeft/ en(de) plaghen toe te behoiren joffr(ouwen) lijsbetten wilen spapen gelegen/ opte vo(r)e tusschen de goede h(er) symoens wilen pynnoc ridders en(de)/ svoirs(creven) h(er) bertelmeeus die hij tegen joesen absoloens gecregen/ heeft ende hier inne es gegoedt [den voirs(creven) h(er) bertelmeeuse daer uut gedaen en(de) te male afgewijst zo waert daer inne gegoedt en(de) gheerft ten erfliken rechte] h(er) wouter sweers p(ro)curateur/ sgoidshuys van bethleem inden name en(de) tot behoeff desselfs goidsh(uys)/ bij orlove en(de) manissen she(re)n vanden gronde en(de) vo(n)nisse der scepen(en)/ opte vueghe ende condicien hier na bescreven Te weten dat/ de voirs(creven) h(er) bertelmeeus en(de) tgoidshuys de voirs(creven) porte ende/ de goede daer tvoirs(creven) water doir loept uuter voeren [ende voerts] beide grote/

goten grond goten vanden voirs(creven) savoire en(de) oic den wat(er)loop/ vander voirs(creven) poirten nederwairts also verre als strect svoirs(creven)/ h(er) bertelmeeus huys dat svoirs(creven) joes absoloens was en(de) de vors(creven)/ gestijpten en(de) oic donderslaghe dair mede tvoirs(creven) savoir in/ vier quartie(re)n ond(er)slagen es tsamen met des and(er)s tot den/ selven savoire behoeft zelen houden te geliken coste tot eeuwige(n)
//
daghen It(em) selen de voirs(creven) h(er) bertelmeeus en(de) tgoidshuys tvoirs(creven)/ savoir gebruycken in des(er) vueghen te weten de voirs(creven) h(er) bertelmeeus/ dit naiste jair ingaende te paeschen naistcomen(de) en(de) uutgaen(de)/ te paeschen d(aer)na volgende de helicht [d(aer)af] gelegen naist den goeden/ die waren svoirs(creven) joes en(de) tvoirs(creven) goidshuys dander helicht/ en(de) ten naisten jaire dairna sal tvoirs(creven) goidshuys hebben de/ helicht gelegen naest den goeden die waren svoirs(creven) joes en(de)/ de voirs(creven) h(er) b(er)telmeeus dander helicht en(de) also zelen zij altijt/ wisselen also dat elck hebben sal deen jair deen helicht en(de)/ ten ande(re)n jaire dander helicht en(de) de jairen selen alt(ijt) uut/ en(de) ingaen te paeschen It(em) selen zij tvoirs(creven) savoir met den/ waterloepen te geliken coste ruymen en(de) schoen maken als des/ behoeft en(de) voirts sal tvoirs(creven) goidsh(uys) hebben zijn bewynd/ buyten den voirs(creven) gestijpte om de voirs(creven) savoiren te gebruycke(n)/ en(de) te repare(re)n als des behoeft abs(oloens) vync ap(ri)lis xi