It(em) van alsulken geschille als opv(er)staen es tusschen gielijse thoenisse ende/ vrancken van tong(er)loe ty(m)merliede gebrued(ere)n henricken van haenwijck/ ty(m)m(er)man matheeuse platteborse strodecke(re) alse mombo(r)en heurer/ huysvrouwen zust(ere)n der voirs(creven) gebrued(er)s en(de) den tween kynde(re)n laureys/ wilen van tong(er)loe o(n)mu(n)dich zijnde ter eenre zijden en(de) janne va(n)/ tong(er)loe brueder der voirs(creven) gebrued(er)s t(er) ande(r) zijden van alsulken haef/ liken en(de) beruerliken goeden alse den voirs(creven) p(ar)tien toecomen en(de) verstorven/ zijn moegen na daflivicheit jans wilen van tong(er)loe heurs oems ende/ maeghs So hebben hen de voirs(creven) gielijs en(de) thoenijs gebruede(re)n ende/ henrick van haenwijck voe(r) hen en(de) inden name vanden voirs(creven) heuren/ medep(ar)tien die zij h(ier)inne gelooft hebben te vervanghen in deen zijde en(de)/ de voirs(creven) jan van tong(er)loe ter ande(re) gekeert en(de) gesubmitteert in goede(n)/ ma(n)nen te weten de voirs(creven) yerste p(ar)tie in janne zoeten en(de) henricken/ va(n) loeven ty(m)merliede en(de) de voirs(creven) heur wederp(ar)tie in lodewijcken baets/ secretar(ise) (et)c(etera) en(de) wout(ere)n va(n) adelberghe becke(re) woenen(de) int p(er)deken in/ alsulker vuegen dat voirs(creven) zegg(ere)n elck(er) p(ar)tien reden(en) en(de) bescheid ae(n)hoire(n)/ selen en(de) heure uutsprake dairaf doen tusschen dit en(de) s(in)te pet(er)s/ dage naistcomen(de) of des and(er)en daighs daer na op dat zijs eens/ zijn En(de) ofts zijs niet eens en zijn zo sele(n) zij bynne(n) den selven/ tijde eene(n) ov(er)man kyesen die zijn zeggen d(aer)af uutenen sal bi(n)nen/ viii dagen d(aer)na En(de) oft p(ar)tien zegg(er) gebrake zo sal die moegen/ eene(n) ande(re)n geliken in die stad nemen Geloven(de) vast (et)c(etera) tymple/ ouder(ogghe) junii xvi