It(em) johannes de oppendorp gheerd uuten hove broecke wonen(de) open blauwe(n)putte/ soen wilen jans heeft genome(n) en(de) bekend genomen te hebben van/ van wille(m)me van leefdale geheten van leele alse p(ro)cureur en(de) gemechticht/ va(n) joffr(ouwe) machtelden weduwe claes wilen de kersmake(re) twee/ en(de) een half boende(re)n lands luttel min of meer gelegen opte loe de/gelijc [welcke] de voirs(creven) gheerd ald(aer) voermaels gehouden heeft en(de) alsnu/ ald(aer) houdende es der voirs(creven) joffr(ouwe) machtelden toebehoe(re)nde Te houde(n)/ te hebben en(de) te gebruycken van half merte lestleden enen t(er)mijn/ van neghen jaren langh deen na dander sonder middel volgen(de)/ Elcx jaers dae(re)nbynne(n) voe(r) en(de) om elff hollantsche gulden(en) sestien/ stuv(er)s der mu(n)ten (et)c(etera) voer elcken gerekend deen helicht d(aer)af te/ kersmisse en(de) dander helicht te paeschen te betalen [der voirs(creven) weduwen] alle jare den/ voirs(creven) t(er)mijn due(re)nde en(de) telcken t(er)mijne alse vervolghde schout d(aer)af/ den yersten t(er)mijn van betalinghen sijn sal te kersmisse naestcomen(de)/ Ende es vorw(erde) dat de voirs(creven) gheerd de voirs(creven) lande den voirs(creven)/ t(er)mijn due(re)nde wel en(de) loflic wynne(n) en(de) bedriven sal gelijc wel/ wynnen(de) reengenoten boven en(de) beneden ende laten tsijne(n) afsceide(n)/ een boender vanden voirs(creven) lande wel en(de) loflic besaeyt op vier/ getidege voren met wynt(er)coorne en(de) tot dien sade gemest met/ sestien botvoede(re)n mest ende dander sal hij laten stortte en(de) brake/ behoerlic gewo(n)nen en(de) bedreven tympel ouder(ogge) julii iii