Boudewijn coulon/ It(em) nadat willem van dyoen meye(r) van duwecheal ten naisten daghe van rechte/ voerleden aengesproken heeft baudewijne coulon poirte(re) der stad va(n) loeven va(n)/ eenen rijnsch gulden(e) die hij and(er)wile hem bedezette(r) zijnde te duwecheal/ opgehaven hadde en(de) gesett en(de) geordineert was met en(de) boven der beden onss/ gened(ichs) h(ere)n op te heffen ende te innen tot behoef vand(er) refectien van eenre bruggen/ ald(air) also de voirs(creven) meye(r) dede zeggen biedende d(air)af thoenisse en(de) hopen(de) dat/ de voirs(creven) baudewijn den voirs(creven) rijnsch gulden(e) opleggen soude ten orbe(re) voirs(creven)/ oft d(air)af goede rekeni(n)ghe en(de) bewijs doen D(air)op de voirs(creven) baudewijn dede zeggen/ dat hij d(air)inne niet gehouden en wa(r)e mair hoopte dat hij d(air)op niet antworden/ en soude de meye(r) en soude hem restitue(re)n zijn p(ar)t dat hij hem dair voe(r) afge/ pandt hadde en(de) oic also goed alse was ten tijde vander pendingen (et)c(etera) Ende/ de scepen(en) van loeven dairop doen wijsden voer een vo(n)nisse dat de voirs(creven)/ boudewijn antwerden soude op daensprake en(de) hadde hij e(n)nich gebreck/ vanden p(ar)de dat hij dairaf zijn recht vervolghde bijden burg(er)meest(ere)/ van loeven welcke verantw(er)den hij op die tijt mids den scheidene vanden/ gerichte niet gedoen en conste So es de selve baudewijn op heden comen/ in trecht p(rese)nte(re)nde hem bereet zijn verantwerden te doen zo v(er)re de vors(creven)/ meye(r) voer oeghen quame en(de) oft hij niet en quame dat hij dan der/ aenspraken ongehouden zijn soude bege(re)nde d(aer)af tvo(n)nisse So hebben/ de scepen(en) van loeven gewijst voe(r) een vo(n)nisse zo verre de voirs(creven) willem/ niet en quame ten opstaene smeyers en(de) van hen dat dan de voirs(creven) boud(ewijn)/ vander aenspraken ongehouden zijn soude ald(air) de selve willem niet en/ quam mair de meye(r) van loeven zeide na den vo(n)nisse dat hij zeke(re)/ brieve van onschoude hadde vanden voirs(creven) wille(m)me inhouden(de) dat hij te/ bruessel te doen hadde (et)c(etera) cor(am) om(n)ib(us) scab(inis) ex(cep)[to] roelants dec(embris) vii