It(em) joffr(ouwe) katline van langrode weduwe jans wilen switten heeft openbairlic wed(er)roepe(n)/ alle alsulken p(ro)curacien en(de) mechticheiden alse zij oft heure voirs(creven) man voertiden/ gemaict en(de) verleend mach hebben voe(r) de stad oft scepen(en) va(n) loeven of eld(er)s/ wien dat zij en(de) heeft voirts wettelick gemechticht en(de) volcomen macht geg(even)/ en(de) met des(en) l(ette)ren mechtich maict en(de) volcomen macht gheeft pauwelse messoens/ mesmake(re) woenen(de) inde bieststrate en(de) lodewijcken criecksteen en(de) elcken/ bizunder thoenre des(er) om alle heure chijze renten pachten en(de) schulden/ diemen heure nu sculdich es oft namails wesen sal te manen teyschen/ op te bo(r)en en(de) tontfanghen den sculde(re)n van heuren ontfanghe quijt te/ schelden en(de) quita(n)cie te gheven de selve chijze renten pachten en(de) sculden/ en(de) alle heure ande(re) saken en(de) stucken die zij nu te doen heeft oft namails/ hebben sal moegen in aenlegg(er)s oft verweerd(er)s stad aen en(de) tegen eenen/ yegeliken met rechte te vervolgen en(de) te bedinghen die te wynnen en(de) te/ verliesen tallen plaetsen en(de) voer alle gerichten daer dat behoeven en(de) te doen/ sal wesen en(de) alle manie(re)n en(de) pointen van rechte d(aer)toe te vorde(re)n die na/ recht oft costume vander plaetsen daer dat geboirt behoiren moeghen/ en(de) voerts alle tghene (et)c(etera) Geloven(de) vast cu(m) (com)puta(ti)[o(n)e] cor(am) tymple/ blanckairt dec(embris) xiii