[It(em)] gheerd mergant vander vue(re)n soen wilen henricks heeft geordineert s(er)vertel(e)?/ gestelt en(de) gemaict en(de) ordineert stelt en(de) maict met des(er) l(ette)ren zijne p(ro)cur(eur)s/ en(de) voirgang(er)s [in alle(n) zine(n) saken en(de) bederven die hij nu te doen heeft of namails hebbe(n) sal moegen] janne vanden wate(re) den jonghen en(de) janne boschman beide/ vander vue(re)n Gevende en(de) verleenen(de) de voirs(creven) gheerd den selve(n) zinen/ p(ro)cur(eur)s en(de) elcken bizunder thoonre des(er) volcomen macht auctoriteit/ en(de) zunderlinghe beveel alle de selve zijn saken hoedanich die zijn/ tegen eene(n)yegeliken te bedinghen te beschudden en(de) te verwaren/ tot allen plaetsen en(de) voer allen richt(ere)n gheestelic en(de) weerlic daer/ dat behoiren en(de) behoeven sal moegen en(de) oic alle desselfs (con)stitueerd(er)s/ goede have ende erve die hem na de doot van zinen voirs(creven) vader/ bleven zijn te aenveerden te hanthe(re)n en(de) te rege(re)n de renten vrome(n)/ en(de) p(ro)fijten vanden selven goeden comende op te heffen en(de) te boe(re)n/ de sculde(re)n dairaf quijt te schelden en(de) de selve goede rente(n) vrome(n)/ en(de) p(ro)fijten met rechte te vervolgen en(de) te bedinghen en(de) daer inne/ en(de) in allen zijnen ande(re)n saken te vorde(re)n te houden ende texerce(re)n/ alle manie(re)n pointen en(de) articlen van rechte die na recht of costume/ vand(er) plaetsen daer dat geboirt behoiren moegen en(de) zijnen vors(creven)/ p(ro)cur(eur)s orb(er)lic duncken zelen en(de) voirts alle tghene d(aer)inne en(de)/ in des daer aen cleven sal te doen en(de) te vorde(re)n (et)c(etera) Geloven(de)/ vast (et)c(etera) cor(am) g(odefrido) roelofs sub(stitu)[to] burg(imagistro) tymple blanck(ar)t scab(inis) febr(uarii)/ pe(nulti)[ma]