It(em) henrick van ophem geheten ghelts soen jans van ophem geheten/ ghelts heeft bekendt hem volcomelic voldaen en(de) verneught te/ wesen bij goirde crabbe van vijfen(de)tsestich gulden peters achtien/ stuv(er)s voer elcken peter gerekent welcke vijfen(de)tsestich peters/ de voirs(creven) goird den voirs(creven) henricken sculdich was tot zeke(re)n/ toecomen(de) daghen te betalen uut saken van eenen mi(n)liken zeggen(en)/ oft uutspraken onlanghs geschiet bij goeden ma(n)nen van zek(ere)n/ twiste ende geschille alsdoen uutstaende tusschen den voirs(creven) goirde/ ende zijnen kynde(re)n ter eenre zijden en(de) den voirs(creven) henricken/ ter ande(re) Sceldende de selve henrick vanden voirs(creven) vijfentsestich/ pet(er)s den voirs(creven) goirde en(de) eenenyegeliken des quitancie behoeven(de)/ volcomelic quijte Geloven(de) den voirs(creven) goirde d(aer)af mu(m)m(er)meer teyschen/ oft aen te spreken in e(n)nig(er) manie(re)n eisd(em) abs(oloens) blanck(ar)t sab(ba)[to]/ post pascha