It(em) also als katline slepp(er)s heur naird(er)scap geboden hedde vand(er) coma(n)scap die jacob/ vlas gedaen hadde tegen janne de leppe(re) heuren brued(er) met [van] eenen huyskene mette(n) hove/ d(air)toe behoiren(de) gelegen inde dorpst(ra)te acht(er) de goede svoirs(creven) jacobs en(de) svors(creven) jans/ de leppe(re) welcke coma(n)scap de voirs(creven) jacob half gedeilt hadde vrancken van/ mairbeke So heeft op heden alh(ier) voe(r) den burg(er)meest(er) en(de) e(n)nigen vanden rade/ de voirs(creven) katline ten versuecke der voirs(creven) jacobs en(de) jans vrancks heuren eed gedaen/ dat zij de naerd(er)scap dede met heurszelfs gelde en(de) tot heurs selfs behoeff/ met welcken eede de voirs(creven) jacob en(de) vranck te vreden wae(re)n bekynnen(de) heure/ de naird(er)scap Act(um) febr(uarii) xxv