It(em) vander aenspraken die arnd scrijnken scepman gedaen heeft tot/ janne mylet van twintich mudden rogs der maten van loeven die de/ voirs(creven) arnd tegen meester jacoppen de marca alse dbewynd hebben(de)/ vanden goeden sprioers van bierbeke gecocht hadde en(de) dair de/ voirs(creven) mylet borghe voe(r) bleven was bege(re)nde de voirs(creven) scrijnken/ betalinghe of bewijssenisse dairaf vanden voirs(creven) mylet te hebben/ want den dach van betalinghen leden wae(r) en(de) hij dairaf alsoe/ hij boed te houden tsijnre eed ombetaeld was Dairop de/ voirs(creven) mylet hem verantwerden(de) dede seggen dat hij dier ae(n)sp(ra)ken/ ongehouden soude zijn gemerct dat hij de betalinghe en(de) lev(er)inge/ vanden voirs(creven) coirne den voirs(creven) scrijnken selve gedaen hadde/ gedragende hem des tot den ghenen die d(air)af te spreken wisten en(de)/ die aengehoirt zijnde So hebben de scepen(en) van loeven t(er) maniss(en)/ tsmeyers gewijst voe(r) een vo(n)nisse dat de voirs(creven) mylet ongehoude(n)/ zijn sal van alsulker aenspraken alse de voirs(creven) scrijnken te hemw(er)t/ gedaen heeft Cor(am) opp(endorp) pynnoc borgh heyk(ens) cav(er)son m(ar)cii xx