Cond zij allen lieden dat jan ouderogghe soen wilen jans woenen(de) inde/ prochie van s(in)te peters rode in teg(enwoirdicheit) (et)c(etera) heeft genomen en(de) bekendt/ genomen te hebben van joff(rouwen) magdalenen weduwe diericks wilen/ van langrode heur hoff te cleerwijck metten huysen hove(n) wy(n)nen(de)/ landen beemden eeusselen en(de) ande(re)n zinen toebehoirten gelijc jan/ wilen van ghynderneder die gehadt en(de) gehouden heeft Te/ houden te hebben en(de) te gebruycken van halfmerte lestleden eenen/ t(er)mijn van xii jairen langh eenp(ar)lic vervolgen(de) met condicien/ dat beide p(ar)tien van malcande(re)n scheiden moegen ten zesten jaire/ by alsoe dat de ghene die also scheiden wilt dat den ande(re)n een/ half jair te voe(re)n kundigen sal Elcx jairs te weten dyerste/ zess jair jairlicx om negenthien mudden corens goeds ende/ payabels der maten van loeven met wanne en(de) vede(re)n wel bereidt/ droeghe ende ongeschoten ende dander zess jairen jairlicx om/ xx gelike mudden corens ts(in)te andriesmisse ap(oste)ls te betalen en(de)/ te loeven te dyest oft tarschot dairt m(ijn) joff(rouwen) gelieven sal te leve(re)n/ alle jaire den voirs(creven) t(er)mijn due(re)nde et quo(li)[b(et)] ass(ecutu)[m] It(em) sal de vors(creven)/ wynne jairlicx in afslaghe vanden voirs(creven) pachte leve(re)n ende betalen/ der weduwen roelofs wilen van langrode te diest drie mudde core(n)s/ en(de) zeven clinckarde te xv stuv(er)s tstuck alsoe in tijts dat m(ijn) joff(rouwe)/ dair bij gheen schade en lijde It(em) sal de voirs(creven) wynne noch jairlicx/ gheven en(de) betalen der voirs(creven) joff(rouwen) achtien rijnsch(en) gulden(en) te xx(½)/ stuv(er)s tstuck half ts(in)te mertensmisse en(de) half te paeschen (et) quo(li)[b(et)] ass(ecutu)[m]/ It(em) sal de wyn jairlicx int voirs(creven) hof leve(re)n drie hondert walms om de/ huysinghe vanden vors(creven) hove daer mede te decken en(de) alsmen aldair dect/ plect ty(m)mert oft metst aende oude huyse zo sal de voirs(creven) wynne de/ gereedscap aenhalen en(de) den wercklieden den montcost gheven ende/ de voirs(creven) m(ijn) joff(rouwe) de dachue(re)n en(de) hij sal de huyse houden vander und(er)ster/ rikelen nederwairt in goeden state It(em) hij sal jairlicx m(ijn) joff(rouwen) wynt(ere)n/ en(de) zome(re)n een coe en(de) als m(ijn) joff(rouwe) oft de heure dair niet en zijn sal
//
sal de wynne tproffijt dairaf hebben en(de) hij sal heur houden ii ov(er)loeps/ alsmen hem die zyndt It(em) hij sal jairlicx leve(re)n m(ijn) joff(rouwen) leve(re)n een/ hond(er)t eye(re) ende neghen l(i)b(ra) bote(re)n alst hem gelieft en(de) hij sal heure/ jairlicx doen drie corweyden daers m(ijn) joffr(ouwe) behoeft aen heure wijne/ of anders It(em) de voirs(creven) wynne en sal inde bossche gheenen zacht hebbe(n)/ dan zo verre hijs behoeft met de vermaken thuynen en(de) luycken en(de)/ hij sal hebben de weyde alse drie jair oud es en(de) hij sal de bossche/houden hueden van allen anderlieden beesten It(em) hij sal alle jaire/ halen ten meesten p(ro)fijte vanden goeden thien voeder m(er)gels mair ten/ lesten drie jairen sal hijs halen xxv voeder ald(air) m(ijn) joff(rouwe) hem dien/ copen sal en(de) dat met iii p(er)den It(em) hij sal houden die thiende die/ tgoidshuys van p(er)cke ald(air) heeft op dat hijse gecrigen can en(de) tstroe/ d(air)af en(de) vanden voirs(creven) goeden comen(de) int hof bringhen zonder die/ e(n)nichssins te vercopen oft te verande(re)n en(de) tselve stroe met zine(n)/ beesten etten en(de) te meste beke(re)n en(de) dat mest jairlicx vue(re)n opte/ vors(creven) lande tslands meesten p(ro)fijte also wel ten versten als ten/ naesten en(de) oft hij die thiende niet en gecrege sal hij gehoude(n)/ zijn jairlicx ter meyningen als voe(r) int voirs(creven) hof [te] bringen xiiii/ mandelen stroes It(em) hij sal houden alsulken ii(½) vekene als m(ijn) joff(rouwe)/ ald(air) houden moet en(de) d(air) toe sal hij die stijle opt voirs(creven) goed moege(n)/ nemen It(em) de voirs(creven) wynne en sal gheen recht hebben int hoeyhuys/ noch inde poirte ald(air) dan als m(ijn) joff(rouwe) des selve niet te doen en heeft/ It(em) de voirs(creven) wynne sal de voirs(creven) goede zijnen t(er)mijn langh due(re)nde/ houden wynnen werven en(de) mesten de grechten en(de) waterleyden/ veeghen ruymen en(de) ryolen wel en(de) loflic ten minsten gelijc reenge/ noten boven en(de) beneden en(de) die tsijnen afscheiden also laten En(de) hij/ sal den wynt(er)aert laten besaeyt wel en(de) loflic op vier getidege voren/ die brake en(de) stortte eens omgedaen It(em) allet ooft jairlicx opte vors(creven)/ goede wassen(de) selen zij half en(de) half deylen en(de) m(ijn) joff(rouwe) sal ald(air) alst/ behoeft eenen leze(r) zeynden en(de) dien sal de wynne den montcost geve(n)/ en(de) hij sal m(ijn) joff(rouwen) helicht heure jairlicx te loeven leve(re)n En(de) oft zijn/ voesteringhe tsijnen uutgaene niet v(er)theert en wae(re) so sal hij int vors(creven)/ hof moegen bliven woenen(de) op een ynde dairmen hem bewisen sall/ tot uutgang m(er)te Ende alle dese vorwerden (et)c(etera) hier voe(r) zijn/ borghen [svors(creven) wynnen] alse principael sculde(re)n ongesund(er)t en(de) elc voer all jan hoevart/ arnds sone en(de) j reyne(r) laureys soen wilen jans beide van s(in)te peters/ rode Et p(ri)mus roel(ants) heyk(ens) maii viii