Marie weduwe henr(icks) wilen tyke/ It(em) also onlanghs ten vervolghe h(er) jans de lepele(re) priest(er)s van marien wed(uwe)/ henricks wilen tijcke die met scepen(en) brieven van loeven houden(de) es xii rijnsch(en)/ gulden(en) tsjaers jairlik(er) lijfrenten bevesticht van inden jaire xiiii[c] lix elf/ dage in decembri aen en(de) op zeke(re) goede matheeus van bennebeke gelegen/ ts(in)te katlinen wave(r) en(de) d(air) omtr(int) die inden voirs(creven) scepen(en) brieven genoemt en(de)/ gespecificeert staen gescreven es geweest vander stad wegen van loeven/ de selve goede voe(r) tgebreck der voirs(creven) rinten der voirs(creven) marien te leve(re)n/ en(de) te doen volgen By also oft yeman d(air) tegen seggen wilde dat die/ op heden b alh(ier) wae(r) comen te rechte gelijc de selve brieve dat inhoude(n) mochte(n)/ En(de) de voirs(creven) marie op heden alhier inde banck comen es trecht voirt v(er)suecken(de)/ dair nyeman tegen heure te rechte en compareerde hoewel dofficier vand(er) voirs(creven)/ plaetsen de konde gedaen en(de) dach van rechte op heden betekend matheeuse/ va(n) bennebeke voirscr(even) janne zijnen brued(er) janne mast janne kerreman ende/ arnde joes wynne svors(creven) matheeus gelijc blijckte bij svors(creven) officiers ov(er)scrivene/ en(de) c(er)tificacien So hebben de scepen(en) van lov(en) t(er) maniss(en) tsmeyers gewijst voer een/ vo(n)nisse zo v(er)re der voirs(creven) marien wed(er)p(ar)tie niet en quame ten opstaen tsmeyers/ en(de) van hen datmen heure dan houden soude vanden voirs(creven) goeden in heuren/ hueri(n)gen tot behoef va(n) heuren gebreke also v(erre) alst noch voer hen scepen(en)/ comen es Cor(am) eisd(em)