It(em) jan vakairt woenen(de) ter mee(re)n inde prochie van bierbeke heeft gehuert/ en(de) bekendt gehuerd te hebben tegen henricken vakairt zijnen vader/ de herberghe desselfs zijns vaders geheten de zwane met den/me huysen hoven en(de) ande(re)n heuren toebehoirten gelegen ter mee(re)n vorscr(even)/ Te houden te hebben en(de) te gebruycken vanden yersten daghe van/ oeghstmaend lestleden eenen termijn van sess jairen langh deen/ na dander zonder middel volgende Elcx jairs dae(re)nbynnen voe(r)/ en(de) om vierdalven rijnsch(en) gulden(en) goed ende ghinghe te xx stuv(er)s/ tstuck tderdel te paeschen tderdel te sinxenen en(de) tderdel te bamisse/ te betalen den voirs(creven) henr(icke) alle jaire (et)c(etera) (et) quo(li)[b(et)] ass(ecutu)[m] Ende es/ vorwerde dat de voirs(creven) jan tsijnen laste hebben sal en(de) jairlicks/ betalen alsulken ryde(r) lijftochten alse hij met zek(ere)n zijnen borgen/ sculdich es en(de) zijn vader sculdich was met scepen(en) brieven va(n) lov(en)/ janne en(de) wout(ere)n dries gebruede(re)n theuren live en(de) des langhsten leven(de)/ van hen beiden Voert es vorwerde dat de voirs(creven) jan jairlicx opte/ voirs(creven) huysinghe sal doen verdecken op zijnen cost een hondert/ custbae(re)r walme(re) en(de) dat de voirs(creven) henrick hebben sal tderdel vande(n)/ oofte jairlicx aldair wassende Cor(am) opp(endorp) heyken m(ar)cii xxix