It(em) willem damyde als man en(de) momboir van jehannen parent zijnen/ wijfs henra parent brueder der voirs(creven) jehannen herman parent/ voir hem en(de) damyden en(de) katlinen parent zijnen zust(ere)n en(de)/ henrick pirards als man en(de) momboir margrieten parent zijns wijfs in p(rese)ncia hebben geco(n)firmeert gelaudeert en(de) geapp(ro)beert/ co(n)firme(re)n lauderen en(de) approbe(re)n alsulke guedingen en(de) vesticheid(en)/ alse ja(m)mar wilen parent brueder der voirs(creven) brued(ere)n en(de) zuste(re)n/ katlinen custers wettige dochter amands costers woenen(de) ts(in)t jans/ gheest tande(re)n tijden gedaen heeft voer meye(r) en(de) scepen(en) jans/ henrot in zinen hove van errenberghe gelegen ts(in)t jansgheest/ voirscr(even) vanden goeden hier na bescreven Inden iersten van/ eenen derdel lands gelegen neven tgerichte van geldenaken tusche(n)/ de goede h(ere)n engelbrechts van geldenaken ridders en(de) de goede/ tshe(re)n van chantrain It(em) van eenen dachmail lands gelegen neve(n)/ den wech gaende van s(in)t jansgheest ten voirs(creven) gerichte wairt tusche(n)/ de goede der capellen van s(in)t jans van cretymont in deen zide/ en(de) de goede des voirs(creven) he(re)n van chantrain in dande(re) quite(re)nde/ en(de) quijtsceldende voer hen heuren erven en(de) nacomelinghen alle trecht/ actie en(de) aensprake die zij d(air)inne hebben mochten P(ro)mitten(tes) non/ alloqui sed warandiza(r)e Cor(am) blanck(air)t m(er)cels sept(embris) xxiii