It(em) peter de naen vleeschouwe(r) soen jans de naen heeft bekindt ontfanghen/ te hebben van janne bock riembesleghe(r) en(de) margrieten ghijs zijnen wive/ twintich rijnsch(en) gulden(en) te twintich stuv(er)s tstuck die hem vallen soude(n)/ te kersmisse naistcomen(de) van alsulken tweehondert rijnsch(en) gulden(en) alse de/ voirs(creven) jan den voirs(creven) pet(ere)n met lijsbetten ghijs zijnen wive dochter jans/ wilen ghijs brueders der voirs(creven) margrieten in huweliker vorw(er)d(en) and(er)wile/ voe(r) notar(is) en(de) getuyghen toegeseeght en(de) gelooft hebben tot zek(ere)n t(er)mijnen/ te betalen van welken xx rijnsch(en) gulden(en) voirs(creven) de voirs(creven) peter hem/ hielt voe(r) wel betailt en(de) vernueght Scelden(de) d(air)aff en(de) van allen t(er)mijnen/ vander voirs(creven) so(m)men voer desen daghe gevallen den voirs(creven) janne ende/ zijnen wive volcomelic quijt Geloven(de) hen d(air)af ne(m)mermeer teyschen oft/ aen te spreken in e(n)nigher manie(re)n mair hen d(air)af alt(oes) in te staen en(de) recht/ warand te zijne tegen eene(n)yegeliken Cor(am) roelants opp(endorp) oct(obris) pe(nulti)[ma]